Fraknói Vilmos: A szekszárdi apátság története. (Budapest, 1879)
VI. 13 69. marezius 10. A kalocsai kdptalan jelentese Ottd szekszdrdi apdtnak az apdtsdg szabad jobbdgyainak szabadsdgai tdrgydban adott nyilatkozatdrol. Capitulum ecclesie Colocensis omnibus christi fidelibus, tam presentibus quam futuris, presencium noticiam habituris salutem in omnium Salvatore. Cum ea que geruntur in tempore ne labantur in tempore, discretorum instituit prudencia literarum testimonio feliciter roborare, proinde ad universorum noticiam harum serie volumus pervenire, quod nos literas exhibicionales excellentissimi principis domini nostri lodovici dei gracia illustris regis hungarie, per eum nobis destinatas, honore quo decuit recepimus, in hec verba. Lodovicus dei gracia rex hungarie fidelibus suis capitulo colocensi salutem et graciam. Fidelitati vestre firmissime edicimus, quatenus vestrum mittatis hominem, pro testimonio fidedignum, quo presente ladislaus de Kummy, vel nicolaus filius michaelis de chorna, aut leukus de Karachon, aliis absentibus, homo noster, alias literas nostras, cum presentibus nostris exhibendat, pro jobagionibus exercitualibus ecclesie Sexardiensis, fratri Ottoni Abbati eiusdem directas, eidem exhibeat et presentet, quidque idem, visis ipsis literis nostris, fecerit vel responderit, nobis fideliter rescribatis. Datum in Wissegrad tercio die festi beati Vincencii martiris, anno domini millesimo trecentesimo Sexagesimo nono. Nos igitur mandatis eiusdem domini regis obedire cupientes, ut tenemur, unacum nicolao filio michaelis de chorna, homine ipsius domini nostri regis, nostrum hominem, virum idoneum, dominum Nicolaum custodem dicte ecclesie nostre Colocensis transmisimus, cum aliis literis, similiter per eundem dominum nostrum Rcgem destinatis, pro jobagionibus exercitualibus predicte ecclesie Sexardiensis, fratri Ottoni Abbati eiusdem directis, in quibus quidem literis dicti domini regis inter cetera continebatur, quod idem frater Otto Abbas jobagiones exercituales dicte ecclesie Sexardiensis in nullis juribus et libertatibus ipsorum, ab antiquo approbatis, vellet eos conservare, prout lucidius in literis dicti domini regis continetur. Cum decimas porcorum super ipsos exigi faceret, et silvas eorum per judicem suum decidi nec non et vendi faceret, et alias novitates eis imponeret, et imponere continue intenderet, qui
