Radvanszky Béla - Závodszky Levente: A Héderváry-család oklevéltára. első kötet (Budapest, 1909)
ad ipsam communem inquisicionem se adiudicari permittere ob ipsorum inopie et indigencie pennuriam rennuisset aquisicionem eorum possessionariam supersedere ad tunc faciendo, donec facultas subsidium eis divina pietate annuente adveniret, quo mediante exsequi valerent causam eorum prenotatam equitate suadente. Ut autem regalis provida circumspeccio dictum castrum Thamasy cum eadem possessione Borsker, seu Remete vocata, cum ceteris possessionibus ad ipsum castrum pertinentibus in concambio sub diversis graciis et libertatibus perpetuo contulerit ipsosque earundem racione ob omnibus in iudicio vel extra impetere attemptantibus assumpserit expedire in iudicium huiuscemodi declaracionis quasdam literas privilegiales honorabilis capituli Ouinqueecclesiensis ecclesie, tenorem litterarum privilegialium excellentis et magnifici quondam principis domini Karoli, dei gracia regis Hungarie illustris transsumptive verbaliter in se continentes demonstrarat sua serie inter cetera exprimentes, quod ipsius domini Karoli regis graciosa providencia prelatorum et baronum suorum matura deliberacione consulta eosdem filios magistri Johannis, filii Herrici extra viam fidelitatis adhuc a tempore progenitorum suorum exorbitantes et divagantes ac ad sincere fidelitatis sue sacre regie corone exhibende tramitem spretis et derelictis suorum parentum et progenitorum vestigiis animo desiderabili redire et confluere anelantes eoque se et sua regie gracie submittendo, castrum eorum Vorbolch vocatum cum omnibus ad se pertinentibus regiis manibus assignassent, notas et excessus infidelitatum suarum et suorum progenitorum usque tunc, quibus non solum ipsum dominum Karolum regem, imo et suos progenitores reges offenderant contumaciter rebellando, eos in cetum et collegium suorum fidelium agregando, eisdemque penitus et per omnia remittendo et indulgendo predictum castrum Thamasy cum omnibus villis et possessionibus ad idem pertinentibus in comitatu Tolnensi situm ac possessionem Hedruh vocatam eorum hereditariam in comitatu Symigiensi existentem similiter cum suis utilitatibus et pertinenciis quibuslibet pro concambio dicti castri ipsorum Worbolch vocati et suarum pertinencium ac utilitatum ipsis filiis magistri Johannis filii Herrici
