Radvanszky Béla - Závodszky Levente: A Héderváry-család oklevéltára. első kötet (Budapest, 1909)
•dedisset, donasset et restituisset in filios filiorum suorum et heredum per heredes peremniter possidendas eosdem et ipsorum heredes ac successores in prenominatis castro Thamasi ac possessione Hedruh et suarum pertinencium, ac iurium quorumlibet pacifice et quiete ab omnibus protegere et defendere ac indempniter conservare, necnon quovis processu temporum ipsos et ipsorum heredes ac successores pretextu dictorum castri et possessionis Hedruh ac quarumlibet suarum pertinenciarum, tam in iudicio, quam extra iudicium a quibuscunque molestare volentibus ab omnibus expedire sub diversis graciarum articulis in eisdem plenius declaratis per omnia assumpmendo plurimas graciosas libertates vigore earundem litterarum suarum privilegialium fidei firmitate vallatas eis in perpetuum conferendo. Verum licet prefatus Ladizlaus Malach vocatus vigore dictarum literarum capitulorum Albensis et Ouinqueecclesiensis ecclesiarum ac comitum et iudicum nobilium Symigiensis et Tolnensis comitatuum, necnon binarum litterarum affirmatoriarum in congregacionibus viri magnifici quondam Nicolai palatini et iudicis Comanorum predecessoris nostri bone memorie in predictis Symigiensi et Tolnensi comitatibus celebratis tenoribus dictarum patencium literarum ipsius comitis Pauli iudicis curie regie insertarum eandem possessionem Borsker hereditario iure sibi pertinuisse et pertineri debere declararunt. Ac tamen, quia eandem possessionem Borsker, alio nomine Remete vocatam, primum in antiquis prioribus temporibus Philippum de Kania pacifice possedisse, in eandemque ecclesiam lapideam ad honorem Virginis gloriose construi fecisse et eo sine herede decesso funus suum in ipsa ecclesia sepultum extitisse ac titulo sine herede decessionis dominum Karolum regem magistro Alexandro de Azara pro fidelibus suis serviciis perpetuo contulisse et ipsum similiter absque aliquali litigionaria inquietacione per tempora vite sue possedisse et ipso similiter sine herede decesso iterato in regias manus devolutam fuisse et demum per regales castellanos de Thamasy detentam extitisse, postremo autem eisdem filiis magistri Johannis filii Herrici ad debitam fidelitatem sacre regie corone exhibendam reversis se et sua regie gracie submittendo prememoratum castrum
