Radvanszky Béla - Závodszky Levente: A Héderváry-család oklevéltára. első kötet (Budapest, 1909)
eorundem vigesimo secundo die post residenciam exercitus tunc moti, eodem eciam die per modum divisionis prenotate partes inter se metas elevare dixissent. In tenoribus autem seu continenciis dictarum literarum predictorum capitulorum Albensis et Quinqueeclesiensis ecclesiarum, necnon dictorum comitum Symigiensis et Tolnensis comitatuum et iudicum nobilium eorundem per regios et ipsorum capitulorum ac comitum homines in eisdem literis nominatim insertos diligenti inquisicione vicinorum et commetaneorum eiusdem possessionis Borsker, prehabita, tandem possessionem Borsker ad ipsos Nicolaum, Andream et Ladizlaum dictos Malach iure hereditario pertinere scivisse idem comes conperierat evidenter. Postremo autem in tenoribus dictarum literarum ipsius domini Nicolai palatini haberi conspecserat in hunc modum, quod in congregacione eiusdem generali, primo feria secunda proxima ante festum Ascensionis domini (1343 mdjus 19.) universitati nobilium comitatus Symigiensis in Sumuguar, et postmodum feria secunda post idem festum (1343 mdjus 26.) universitati nobilium comitatus Tolnensis in villa Kosuk, in anno domini millesimo trecentesimo quadragesimo tercio celebrata prenotati Nicolaus, Andreas et Ladizlaus dicti Malach, filii Benedicti, filii Bors de medio universorum exsurgentes eandem possessionem Borsker ad ipsos iure hereditario ab antiquo pertinere et pertinuisse allegando, universi nobiles et iudices nobilium iuratique assessores eorundem dictorum comitatuum tacto vivifice crucis ligno, fide eorum deo debita et fidelitate regie maiestati, sueque sacre corone conservanda mediante communem iusticiam spondentes se observare, per ipsum dominum palatinum requisiti eandem possessionem Borsker ad ipsos Nicolaum, Andream et Ladizlaum modo simili ab antiquo pertinere, et iure hereditario pertinuisse voce parili affirmassent. Auditis itaque utrarumque parcium contrariosis altercacionibus, visisque earundem parcium litterarum tenoribus, cum idem comes Paulus per viam communis inquisicionis in facto ipsius possessionis causa maioris iusticie meram indagare volens veritatem, easdem partes in suis contrariosis altercacionibus ad ipsam communem inquisicionem transmittere voluisset, dictus Andreas suo et fratrum suorum nomine
