Radvanszky Béla - Závodszky Levente: A Héderváry-család oklevéltára. első kötet (Budapest, 1909)

inmediate succedenti (janudr 4.) ad faciem castri Debregezth, demum vero feria quarta inmediate subsequenti, videlicet in festo Epiphaniarum domini (janudr 6.) ad faciem possessionis Maysa, demum vero die dominico inmediate succedenti (janudr 10.) ad faciem castri Podwersa, demumque feria tercia subsequenti (janudr 12.) ad facies castri Posegawar et opidi similiter Posegawar vocatorum, postremo siquidem et ultimo, in dicto sabbato proximo ante festum beati Anthonii confessoris similiter proxime preteritum (janudr 16.) ad facies opidi Nemethy et castelli Belethyncz appelatorum, vicinis et commetaneis eorundem universis inibi legittime convocatis et presentibus accedendo, prefatos dominum Laurencium palatinum et Emericum banum, filium eiusdem in dominium earundem et ipsarum introduxissent, easdemque et ipsam cum pretactis suis pertinenciis et utilitatibus quibuslibet eisdem nullo contradictore apparente perpetuo possidenda statuissent, diebus legittimis in faciebus eorundem permanendo. Quibus presentatis idem dominus Laurencius palatinus premissa castra ac opida et possessiones ad easdem pertinentes iuxta vim et formam presentis novi nostri generalis decreti super novis possessionum occupacionibus editi et stabiliti remitti et resignari postulavit per Nicolaum wayvodam antedictum coram nobis. Quo audito prefatus Nicolaus wayvoda personaliter in nostram exurgendo presenciam, respondit ex adverso, quomodo ipse prescripta castra Thamasy et Wywar apellata ac opida et possessiones pretactas inmediate post obitum et defectum seminis antefati condam Herrici, filii Wayvode de Thamasy nomine regio occupasset, eademque et easdem regie maiestati conservaret, pretactas eciam duas possessiones Dalmad et Somodor vocatas cum earum pertinenciis pro eo occupasset, quia eedem ipsum titulo iuris hereditarii concernerent et super hoc ipse literas haberet efficaces. Quibus sic habitis et perceptis, cum nos inter ipsas partes pro reformanda inter eas pace diucius laborassemus, multosque tractatus habuissemus et demum eisdem partibus petentibus iudicium et iusticiam, unicuique ipsarum parcium aministrare voluissemus, mox egregius Georgius, filius Lorandi