Radvanszky Béla - Závodszky Levente: A Héderváry-család oklevéltára. első kötet (Budapest, 1909)

de Serke personaliter in nostram exurgendo presenciam et se presenti cause intromittendo retulit et alegavit eo modo, quomodo pretacta castra, opida, possessionesque ac porciones et cuncta iura possessionaria antefati condam Herrici, filii Wayvode propter defectum seminis eiusdem in ipsum iure successorio devoluta et redacte extitissent et in huius declaracionem quasdam literas serenissimi et incliti principis condam domini Sigismundi, Romanorum ac Hungarie etc. regis privilegiales, secreto suo sigillo vallatas, ad propriam suam commissionem emanatas obtulit nostro examini habentes hunc tenorem: (Zsigmond kirdly 1423 november 5-iken kelt oklevele. Ldsd 142. sz. a.). Ouarum quidem literarum exhibicionibus factis partes predicte per nos eis in premissis iudicium et iusticiam postularunt impertiri, videlicet prefatus Nicolaus wayvoda prescripta castra opidaque, possessiones ac porciones possessionarias, ipso Herrico, filio Wayvode sine heredibus decedente, nomine regio se occupasse, dictas eciam possessiones Somodor et Dalmad sibi titulo iuris hereditarii pertineri fore et propterea similiter occupasse modo prehabito allegaverit, quamvis eciam pretactus Herricus, filius Wayvode ex una, ac prefati domini Laurencius palatinus et Emericus banus, filius eiusdem ex altera partibus prescriptam fraternalem confederacionem inter se modo prenarrato inyerint, fecerintque et disposuerint, huicque regia maiestas consensum prebuerit ac totum et omne ius suum regium, si quod castris, castellis, opidis et possessionibus in predictis habuisset, eisdem domino Laurencio palatino et Emerico bano, filio eiusdem contulerit, tamen quia in prescripto anno domini millesimo quadringentesimo vigesimo tercio antefatus condam dominus Sigismundus imperator et rex ad instantem suplicacionem prelibatorum Ladislai et Herrici, filiorum Wayvode hanc specialis gracie prerogativam, ut scilicet universa castra, castella, civitates, opida, possessiones et queque iura possessionaria ipsorum Ladislai et Hernici, (igy) quibusvis nominibus vocabulorum vocitata et appellate inter ambitum huius regni Hungarie in quibuscunque comitatibus ubilibet existentes et habita, in annotatum Georgium, filium Lorandi et neminem alium ac cunctos heredes, super-