Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Ruscie etc. omnibus Christi fidelibus presentibus et futuris presens scriptum conspecturis salutem in eo, qui celestia et terrena debito moderamine regit et gubernat. Divina iusticia e celo prospiciens dignitatem regiam populis prefecit ad laudem et promocionem bonorum, punicionemque perversorum. Caruisset namque libenter humana condicio iugo dominii et libertate a natura sibi concessa uti voluisset, nisi quod impunita licencia scelerum in evidentem perniciem humani generis redundabat. Sicque necessitate opportuit naturam iusticie subiacere, ut bonis merces redderentur condigne, et transgressorum insolencia ac infidelitas debita pena plecteretur, prout etenim meriti reputaretur fidelitas, si infidelitas remaneret impunita. Proinde ad cunctorum noticiam volumus pervenire, quod cum nos pridem in huius regni nostri Hungarie regimen per prelatos, barones et nobiles universos concordi voluntate invitati et electi in idem regnum ingrederemur, suggerente antiqui hostis calliditate dolosa, cuius proprium est pacatum mortalium statum immixte adversitatis et discordie lolio perturbare, quidam viri nepharie dolositatis non obstante eorum fide, qua nos elegerant, in partem adversam nobisque contrariam se recipientes, ingressum nostrum ac tranquillam regni pacem plurimis structis obicibus introductisque alienigenis et cum eisdem cedibus fidelium, predis bonorum eorum, ecclesiarum et cimiteriorum confraccionibus et aliis diversis malificiis crudeliter commissis impedire moliti sunt, et facti evidencia aggregatis gentibus in temerarie infidelitatis reprobum sensum prolapsi, in adversa acie sepe-sepius cum nostris fidelibus mutui conflictus certaminibus, in quibus tamen deo propicio semper confusi, fugati, victi et aliquocies plures ex eis capti et prostrati extitere, conbellarunt. Ouorum perversa opinione et contagiosi sceleris exemplo Johannes de Palasth, Daniel de Svvsa, Petrus de Palohta, Georgius filius Paska de Palasth, Ladislaus filius Symonis de eadem Palasth, alter Ladislaus filius Philippi de Thwr, Laurencius de Doroghaza, Georgius de Bodahaza, Petrus de Horwathy, Georgius de Zalmatherch, Lucas Gonda dictus de Kezew, Bartholomeus Cheh de Kysthwr, Blasius filius Amode, Amode frater eiusdem, Johannes de Kerthvveles, Georgius de Dresk, Nicolaus Parvus, Petrus de Daras, Ladis-