Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Nicolao, Stephano et Luca personaliter, necnon prefato Benedicto de Kyrthws, domino et marito ac legittimo procuratore dicte domine Dorothee ac Martino, filio Chano presentibus accedendo, et eandem seu easdem iuxta nostram iudiciariam commissionem secundum cursus prescriptarum metarum undique reambulando id, si prefatus Martinus Chano in aliqua parte dictarum porcionum venditarum sub prescriptis metis adiacencium esset et existeret, vel ne, revidere voluissent. Mox partes predicte ipsos ab execucione premissorum paulisper supersedere postulassent, ipsisque supersedentibus ac nonnullis probis et nobilibus viris pro pace et concordia inter easdem partes laborantibus, tandem prefatus Martinus, filius Chano pro se personaliter ac pro Blasio et Johanne filiis et puella Margaretha, filia suis onera earundem (igy) ad infrascripta penitus super se assumpmendo ab una, parte vero ab altera prelibati Nicolaus, filius Stephani de Chehy, Stephanus, filius alterius Stephani de Persehaza et Lucas, filius Petri de Felkezew, necnon Andreas, filius eiusdem Luce pro se modo simili personaliter, idem eciam Lucas pro Martino et Paulo filiis ac puella Anna, filia suis similiter onera et quelibet gravamina eorundem ad subnotanda in se recipiendo, necnon prefatus Benedictus de Kyrthus pro prescripta domina Dorothea consorte sua cum procuratoriis literis comitis Stephani coram ipsis comparendo in premissis se taliter concordasse recitassent, quod ipse Martinus Chano suo et dictorum filiorum ac filie suorum nominibus totalem plateam seu lineam eiusdem possessionis Felkezew, in qua nunc ipse residenciam faceret personalem a parte scilicet possessionis Zelen sitam et adiacentem ac unam integram sessionem iobagionalem in altera eiusdem linea, in qua nunc Martinus Remete iobagio resideret, cum cunctis ipsarum utilitatibus, videlicet terris arabilibus, silvis, pratis, pascuis et aliis quibuslibet pertinenciis earundem eisdem Nicolao, Stephano, Luce, Andree, Martino et Paulo ac puelle Anne, necnon domine Dorothee, ipsorumque heredibus et posteritatibus universis pro totali eorum iure ipsos in eadem Felkezew concernente perpetuo et in sempiternum, e converso vero ipsi Nicolaus, Stephanus, Lucas et Andreas in eorum, idem eciam Lucas dictorum filiorum ac filie suorum personis