Radvanszky Béla - Závodszky Levente: A Héderváry-család oklevéltára. első kötet (Budapest, 1909)

oneribus sub prescriptis, prefatusque Benedictus nomine dicte domine consortis sue auctoritate procuratoria prenarrata prescriptam totalem alteram plateam seu lineam eiusdem possessionis Felkezew a parte possessionis Gyurky vocate preter prescriptam unam sessionem ipsis modo quo supra per antefatum Martinum datam modo simili cum cunctis suis utilitatibus et pertinenciis universis, videlicet terris arabilibus, silvis, pratis, fenilibus et aliis quibuslibet utilitatum integritatibus eidem Martino, filio Chano ac filiis et filie suis predictis, ipsorumque heredibus tamquam merum et sincerum ius eorundem pacifice similiter iure perpetuo et in sempiternum possidendas dedissent, tradidissent et reliquissent. Hisque sic habitis ipsi die in eodem prescriptas parcium porciones per huiusmodi formam concordie sibi invicem datas et donatas volentibus eisdem partibus, statuissent et commisissent eisdem ac ipsorum heredibus iure ipsis incumbenti perpetuo possidendas, tenendas et habendas nullo contradictore existente. Hac igitur prescriptorum regii, capituli Albensis et nostri hominum relacione facta et percepta, nobis eciam seriem premissorum cunctis dictorum amborum comitatuum nobilibus in dictam nostram congregacionem confluentibus, necnon partibus predictis, prout in facie dicte possessionis Felkezew sic et nunc nostri in presencia comparentibus alta voce et publica promulgari facientibus, quia sicuti in facie dicte terre ipsis composicionarie ordinacioni ac possessionarie reambulacioni, revisioni et statucioni nullus contradixit, sic et nunc ad ipsam nostram promulgacionem nemo contradiccione obviabat. Nichilominus partes prenotate prescriptam concordiam modo et ordine prescriptos, regium, nostrum et capituli Albensis homines nobis recitato in premissis in facie dicte possessionis Felkezew inter eos factam extitisse affirmando, eandem ratam atque gratam se inconcussim et irrevocabiliter observare velle recitarunt, pro eo vicecomitum, iudicum nobilium, iuratorumque assessorum comitatuum predictorum quesito et assumpto consilio prematuro prescriptas concordiam et statucionem possessionariam nostri palatinatus officio incumbente ratas atque firmas habentes, pretitulatas parcium porciones per formam prenotate concordie sibi invicem datas et donatas relinquimus et committimus