Bárth János szerk.: Cumania 21. (A Bács-Kiskun Megyei Önkormányzat Múzeumi Szervezetének Évkönyve, Kecskemét, 2005)
Bárth Dániel: Statuta Generalia (1738) – Vallásosság és mindennapi élet Patachich Gábor kalocsai érsek általános rendelkezéseinek tükrében
160 Barth Dániel Quarto: funera cum cantu comitabitur, et in aliis parochialibus functionibus et sacramentorum administrationibus parocho diligenter inserviet, intuitu cujus servitii, titulo stolae (parochi regulatione in integro salva permanente) habebit a baptismo denarios 10. A copulatione domesticorum denarios 25. A copulatione extraneorum denarios 50. Ab introductione neo-nuptae et etiam puerperae post partum denarios 5. A sepultura majorum denarios 25. A sepultura minorum denarios 12. A sacro exequiali cantato denarios 50. Incumbet vero magistro in his omnibus muniis, prout jam attactum est, quemadmodum etiam parocho sacrum viaticum deportanti, vel ad dandam aegroto extremam unctionem pergenti assistere, necessaria admanuare, et sine omni tergiversatione inservire; et hinc ubi servitium negligit, etiam stolam amittit. 79 VIII. QUOAD PAROCHIANOS Statuitur general iter primo: ut parocho reverentiam et debitam in rebus officii sui praestent obedientiam. Secundo: communionem et confessionem paschalem peragant, et extra tempus etiam paschale, poenitentiae et eucharistiae sacramenta fréquentent. Tertio: festis et dominicis diebus ecclesiam propriam diligenter adeant, et sacrificio missae et concioni intersint, horamque pro devotione per parochum praescriptam accurate observent, neque taedium in expectando parocho pariant. Similiter dum publicae et solennes sive domi, sive ad vicinam ecclesiam instituuntur processiones, diligenter et numerosi compareant. Quarto: proies suas non nisi per parochum, dempta extrema, quae moram excludat, necessitate, baptizari curent. Quinto: liberos suos ad christianam doctrinam ire compellant, secus mulctam parentes pro absentibus prolibus doctrinae capacibus in grosso uno ecclesiae solvent. Similiter ubi magistri docentes habentur, aeque sub muleta grossi unius menstrualiter desumendi, proies suas ad scholam mittant. Sexto: sarta tecta, cincturas item coemeterii et fundorum parochialium in bono statu conservent. Septimo: ea, quae parocho titulo stolae et subsistentiae suae ordináta sunt, judici vei communitatis deputatis libenter et accurate praestabunt. SG~-ben etiam stolam amittit után beszúrva: ...ecclesiae applicandam.
