Bárth János szerk.: Cumania 21. (A Bács-Kiskun Megyei Önkormányzat Múzeumi Szervezetének Évkönyve, Kecskemét, 2005)
Bárth Dániel: Statuta Generalia (1738) – Vallásosság és mindennapi élet Patachich Gábor kalocsai érsek általános rendelkezéseinek tükrében
Statuta Generalia (1738) 159 niarium censum ex communi pagi cassa parocho erga quietantiam angariatim persolvere, hancque obligationem ita diligenter adimplere, ut parochus, ob ejus negligentiam et incuriam, nullum pati cogatur defectum. Judices vero suis modis et viis censum exigant et incassent lecticalem. VI. VISITATIO SEU REGULATIO STOLAE Habebit parochus a baptismo una cum introductione puerperae denarios 40. A copulatione sive benedictione matrimoniali (si sponsi domestici sint) florenum 1 denarios 50. Si vero sponsa extranea sit, florenos 3. Ab introductione sponsae novae seu neo-nuptae (quae introductio et benedictio ubi non viget, absolute, mediantibus etiam mulctis, induci debet) denarios 12. A sepultura majorum, id est a capacitate confessionis paschalis computando florenum 1. A minoribus denarios 50. A testimonialibus litteris scripto conceptis et expeditis, in quacunque sint materia, intelligendo videlicet ex matricularibus baptisatorum, confirmatorum, copulatorum et demortuorum libris florenum 1. A sacro lecto denarios 50. A sacro cantato, sive votivo, sive mortuorum florenum 1. A concione funebri, prout parochus convenerit. Notandum: quod pro parte ecclesiae ad manus aeditui, erga rationes annue et districtim domino districtuali vice-archi-diacono dandas, expost vero nobis referendas. A sepultura adultorum pro pulsu campanarum solventur denarii 40. A sepultura vero minorennium denarii 20 sint solvendi. Demum a pluviali, ubi habetur, qui funus eo induto comitari cupiverint, pro parte ecclesiae pendent marianum unum. 78 VII. QUOAD LUDI-MAGISTRUM ET PRAECEPTOREM Statuitur generaliter primo: ut tarn organista, quam praeceptor vel magister erga parochum suum debitam obedientiam et reverentiam habeant, fidelemque in rebus officii parochialis ei famulatum praestent. Similiter judicem et juratos loci competenter honorent, et mandata eorum, respectu suorum officiorum, absque cunctatione et murmure exequantur. Secundo: ludi-magister vel praeceptor pueros non tantum in moribus et litteris, sed etiam in doctrina Christiana et in cantu diligenter et salutariter instruat; et pro sacro audiendo eos singulis diebus ad ecclesiam binos et binos suo ordine ipse ducat. Incumbit proinde parocho scholam saepius visitare et investigare, an praeceptor vel magister suo officio satisfaciat. Tertio: curam sacristiae (si onus sacristiani adnexum habeat), res item omnes bene, munde et ordinate custodiendi, talisque, qui curam sacristiae habere debet, super fidelitate rerum sibi concreditarum juramentum domino parocho uno vel altero loci jurato praesente praestabit. SG 2-ben ezután beszúrva: Pro confessione vero paschali, extrema unctione et novo chrismate sub gravi poena nihil desumatur.
