Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1778 Secundo circa casum Raptationis duorum Scribarum Fiscalis Regii Antonÿ Kovács in Prothocollo Deputationali Nro 3vo relatum clementer statuimus, ut Antonius quidem Aigner civis Pestiensis pro datore manipuli, alias Joannis Tallinger concrediti semet obtradens, tametsi relate ad delicta sua longe graviorem poenam mereretur, nihilominus tamen ex reflexione morbidi status sui unius Anni Carceres in Compedibus subeat. Dein Josephus Erlein et Vincendus Budinger pari culpae involuti Unius Anni captivitatem in purgandis Civitatis Pesthiensis plateis, aliisque publicis laboribus et vinculis subeant; Praeterea quaternis vicibus 100, inde angaraliter 25 Baculorum ictibus pulsentur, hisque expletis e civitatis territorio in perpetuum eliminentur. Joannes Schuster, Mathias Akedl et Kubicsek Laniones sodales trium mensium Captivitatem in purgandis civitatis plateis subeant, dein vero 50 Baculorum tam his, quam aliis omnibus qui verberandi statuuntur in publico foro occasione Hebdomadalium Nundinarum infligendis pulsentur, taliterque ex territorio Civitatis in perpetuum eliminentur. Michael porro Haincz pariter sodalis lanio ex subversantibus circumstantiis unius dumtaxat Mensis Aresto mulctetur. Demum Josephus Czách unius Anni, Jacobus Groissinger et Leopoldus Páchl unius mensis carceres in Vinculis, purgandisque Civitatis Pestiensis plateis explere teneantur. Tertio circa invasionem domus Chyrurgi Georgii Kovács in Prothocollo Deputationali Nro 7mo relatam benigne decernimus ut Thomas quidem Herczegh alias Wenczl, velut tumultus hujus principalis causa et origo ad duorum annorum labores praesidiarios ac ex post qua alioquin non civis ex civitate eliminandus, Joannes autem Györgye ad trium annorum praesidiarios labores aplicent. Porro Michael Schwacz alias Tassinger trium annorum laboribus praesidiariis castigetur. Dein Franciscus Magister Kellnerins ad Schnevas medii anni captivitatem in compedibus purgandisque civitatis plateis, ac dein 50 baculorum ictus perferat, sicque qua non civis e Territorio civitatis eliminetur. Thomas Teseó ut dicitur vacans auriga in expiationem sibi imputatorum excessuum unius anni captivitatem in compedibus, purgandisque plateis civitatis exigenda ac 100 baculos in angariis per 25 in publico foro infligendos perferat, dein autem vel ut aliunde vagabundus e Territorio civitatis in perpetuum eliminetur; Simeon vero Schmid pariter unius anni captivitatem in purgandis civitatis plateis, compedibusque subeat, et post vero e Territorio civitatis in perpetuum eliminetur. Stephanus Francics trium mensium captivitatem in purgatione platearum, compedibusque perferat, Andreas Vészeli Magister nodularius pariter trium mensium captivitatem in civitatis platearum purgatione, et compedibus compleat. Quantum ad Laniones sodales utpote Georgium Stasrer, Tallenkofferianum, Andreám Arnold viduae Hassianae, Franciscum Németh et Josephum Visinger, hi quia diebus 25,a et 26ta February per formam maskarae in Sacra Quadragesima transvestiti et ita nocte per plateas aberrantes, ac secus etiam de complicitate agressionis domus Kovacsianae graviter suspecti ad medii anni captivitatem in compedibus purgandisque civitatis plateis, ac dein 50 baculorum ictibus pulsati condemnentur, dein a Territorio civitatis eliminentur. Paulus tamen Pauer sodalis Grossingenianus unius mensis captivitatem in compedibus subire debeat. 93
