Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1840 17. Redivit A.R.P. Mner Provlis cum R.P. Secretario terminata Canonica visitatione Aradini, et Radnae, comite R.P. Justino Tanos Gvardiano Radnensi, hic consultaturus cum A.R.P. Ex-Mnro Prov. de Conventu quo ocyus restaurando. 18. Primis huius mensis diebus praesertim in granariis, aliisqfue) promtuariis observatus est fumus, sensim in flammam erumpens, hodie autem hora secunda pomeridiana in orientali conventus parte, ubi nempe granarium fuerat, cumuli combusti frumenti fumare visi iam antea, adiuvante vento vehementiori, cumulus unus ceteris maior potentius fumum emittebat, sensim donec aqua adlata fuisset, etiam flammam lentam evomens, sed extinctus, et cum reliquis quoq(ue) dissipatus, ac tota quantitas ad terram proiecta est, et sic metus omnis mali evenire queuntis sublatus. 19- Redivit Budam D. Goldinger Architectus, dimenso, ac superficialiter saltem delineato et Ecclesiae, et Conventus pavimento, Budae utrumqfue] perfecturus, et sumtuum proiectum facturus. 21. Discesserunt, et quidem A.R.P. Mner Provlis, et R.P. Secretarius in comitiva A.R.P. Gvardiani Bacsinum, A.R.P. Ex-Mner Provlis Radnam. Ultimis huius mensis diebus asciarii parare coepereunt ligna aedilia pro tecto allodii, aliis minutioribus, sed tamen summe necessariis, prius comparatis, uti sunt: ianua maior, ne aula cuivis praetereunti pateat, porta culinae, et huic opposita penus, ac cloacarum, quartae vero ad angulum septemtrionalem servientis locus obmuratus; ab hac enim incensa ligna focalia ad culinam necessaria reliquas incinerarunt, deni [que] porta Conventus ad aulam. Quia vero etiam currus onerarii igne absumti sunt, necesse fuit, et hos comparare et ad onera vehenda, et alios usus praestandos pernecessarios. Unus quidem fere novus a quodam colono Nádudvarensi emtus, alter solidior per rotarium paratus, et per fabrum ferro munitus, tertius levior ab eodem fabro pretio comparatus. Item ad lotionem instituendam, aut panem coquendum requisita, aliaq[ue] inevitabiliter necessaria procurata. Ingens asciariorum, et murariorum sodalium multitudo horsum confluebat, Magistri quoq[ue], et Architecti plurimi comparuerunt, sed labor exiguus; nam ligna aedilia nimis caro vendebantur, imbrices vero non erant acquisibiles; quilibet enim conabatur domum suam adversus incendii pericula tutiorem reddere. Alia quoqfue] materialia desiderabantur. Per decursum huius mensis varia subsidia ad victum, et amictum pertinentia undequaqfue] horsum mittebantur. Mensis hic integer ventosus, et siccus, ac paucis diebus demtis frigidus fuit: ideo arbores fructiferae, alioquin in hortis domesticis nimis paucae flores non evolvebant, vineae pariter non pullulabant. Mensis Junius 13. Pro solennitate S. Antonii Pad[uani] minore numero, ac alias, sat copiosus tamen confluxit populus fidelis, cui ut pabulum spirituale praeberetur, pro concione dixerunt A.R. et Clariss. D. Franciscus Vondrák, Professor in Seminario Colocensi idiomate hungarico; germanico autem, et illyrico Concionatores domestici; Missam solennem decantavit Rdssimus D. Rácz Josephus, Metrop[olitanae] Eccl[esiae] Colocensis Canonicus. 455
