Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1840 Heri allodii pars anterior, nempe cubile, culina, camera, et nubilaris dimidium iam sub tecto erant, imbricibus ex Sztanicsics magno fatigio adlatis maximam partem per equos domesticos. 1000. imbrices 23. fl.w. solvendi. Cum fine mensis etiam alia pars sub tectum venit, imbricibus pariter Sztanicsicsensibus contecta, demtis 1130. qui in cimatio Ecclesiae firmi, et illaesi ignem superarunt. Praeter illos novemdecim superius commemoratos, qui igne consumti periverunt, alii 27. post gravissimos, et acerbissimos dolores toleratos per decursum prioris, ac duo ex his currentis mensis exstincti, ac sepulti sunt. Sic in summa omnes, qui infausti casus diei 1. Maii infelices victimae ceciderunt, erant 46. Subsidia e variis locis in aere parato horsum missa cassam communem augent. Aedificationem impedit non tantum defectus omnium materialium, demtis lignis aedilibus: sed etiam regulatio nonnullorum platearum, per Deputationem facienda, quae iam in una, alterave platea facta est; sed complures plateae restant, de quarum regulatione Deputatio hucdum nihil determinavit, divisis in plures partes eiusdem sententiis. Quoniam multa aedificia apud varias societates erant contra incendium assecurata, non multo post incendium, comparuerunt Agentes a dictis Societatibus missi, qui omnes, praesertim Agens Societatis Viennensis, summas assecuratas generose solvebant, praeter Agentem Tergestanum, qui varia exceptiones, indeque fluentes subtractiones faciebat non sine murmura assecurantium. Mensis hic iam calidior, sed siccus erat, rarae pluviae, quae tantisper terram sitientem irrigabant, conventus tamen fornicibus nihil obfuerunt, quod nobis aedes suis tectis spoliatas inhabitantibus favorabile fuit. — Per decursum horum duorum mensium vix tria, quatvorve aedificia tectis provisae conspiciebantur. Mensis Julius 16. Horribilis nobis illuxit dies hodiernus, nam iam sub auroram lenta incipit cadere pluvia, quae sensim in imbrem vehementissimum mutata ad seram usq[ue] noctem cadebat tanto cum impetu: ut plurimorum aedificiorum pavimenta, quibus ignis pepercit, nunc ruerent, im[m]o complures domus debiliores, a crudis materialibus novitus compactae, notabiliter vitiarentur. In superioribus Conventus ambitibus, et cubilibus omnia natabant, in bibliotheca omnes libri maderunt, ipsa Ecclesia inundata adeo ut sequente die 17. ad duas t[an]tum aras celebrare licuerit. Nec tractus inferior penitus siccus permansit. 18. A.R.P. Gvardianus, qui ante octo dies Budam ascenderat, ligna aedilia Pestini emturus, cum hic eorum pretium nimis elevatum sit, quoniam et ipsi Quaestores aedilium, demtis tribus, communis calamitatis participes fuerint, hodie redivit, comparatis omnibus lignis a D. Antonio Nagy, clavis autem, et 20. centenariis ferri pro ligaminibus Conventus a D. Joanne Heinrich Ferropola, quoniam antiqua ligamina ut plurium lignea ignis pariter absumsit. Omnia haec propediem ventura exspectantur. 13. In sequelam facti a Directore Loc[ali] R[egii] Gymnasii medio Superioris Directionis ad Exc. Consilium L.R. recursus, ut annus scholasticus ante consve-672 Bei der Umgestaltung wurde auch ein Stadtplan hergestellt, auf dem die neuen Projekte rot gekennzeichnet waren. Sz. Baja Mezővárosa, 1840.; Kopasz, Gábor, 1965, 28. 456
