Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1836

Incendia per varia regni loca, nominatim M[agno] Varadini, Szegedini, M[agno] Carolini, aliisq[ue] locis, ut e publicis, privatisq[ue] relationibus constat, plurimos ad incitas redegerunt, actuq[ue] redigunt, in nonnullis locis tanto terrore incolas, sparsis de hac, v illa domo incendenda schaedis, afficiunt: ut desertis domibus, supellectilem, et alia quaevis, ad victum, et amictum pertinentia, in cellaria, portis postea obmuratis, congerant, ipsi ne patente campo degant, tristi eventu non raro rumorem confirmante. Ad haec mala praecavenda, et incendia impedienda hic quoq[ue], ubi intra breve tempus pluries eruperant, dispositiones salutares per Magistratum Oppidanum factae sunt, in quarum sequelam domus singulae aqua sufficiente constanter provisae, et nocturni vigiles per singulas plateas dispositi, easdem solerter pererrant, nec sine fructu; nam ignis suppositus his diebus repetitis vicibus repressus fuit, incendiario semper evadente. M[agno] Kanizsáé quidam Halál Michaël comprehensus, de sparsis ibidem, et Szegedini incendiis et propria fassione, et aliorum testimoniis convictus, Jure statario, quo etiam incendiarii comprehenduntur, patibulo appensus die 17. c[urrentis] meritas poenas dedit.

Mensis diebus calidissimus, noctibus sat frigidus, et siccissimus praeter

modicam pluviam 16. deciduam pertransiit. Cholera saevia, lues pecorum gras-644

satur.

Mensis September

I. Advenit e Studio Földvar[iensi] Philosfophico] Fr. Justinianus Fodor.

9. Discessit Vukovarinum P. Theophilus Jakab Lector.

10. Hora decima matutina in angularis domus ad forum cellario spiritus vitrioli fracta lagena diffusus incensus periculosum minabatur incendium, quod tamen feliciter repressum est; at noctis subsequae primo quadrante ad primam domus una pone Sacellum S. Rochi igne supposito conflagravit.

II. Advenit Fr. Mathaeus Fabianovich e Studio Philos[ophico] Földvár[iensi].

17. Discessit Vacium Fr. Gregorius Dragichevich Alumnus Bosnensis.

18. Redivit A. R. P. Director navi vaporaria, Zrínyi dicta, qui recuperata tantisper valetudine, ante paucos dies Földvarino Budam ascendit, inde horsum mediocriter valens.

Eadem. Venit P. Emmanuel Fleischmann Concionator Germ, eodem munere functus ad S. Hippolytum in Austria.

19. Advenerant P. Norbertus Mikischka antea Cone, in Lanzendorf, et Fr. Laurentius Mlinarevich Alumnus Bosnensis e Studio Philos[ophico] Földvarinensi.

Mensis sat validus pluviis, repetitis terram sitientem humectavit. Cholera passim remittit, lues quoq[ue] pecorum cessare incipit.

Mensis October

3. Invocata ope divina Gymnasium R[egium] anno Schol[astico] initium dedit.

8. Studium Theologicum pariter praelectiones inchoavit.

Eadem. Hora media nona vespertina campanae, moestum sonantes, homines nocturnae quieti semet iam iam daturos, e domibus exciverunt, et lampades lu- 644

644 Über das Heilen von Viehseuche erschien ein Buch. Jakab, Stephanus, 1837.

424