Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1836

Mensis Junius

13. Pro festo S. Antonii Pad[uani] ingens populi fidelis confluxit multitudo, ut omnem memoriam superet, huic largior quoq[ue] eleemosina tam in pecunia, quam in naturalibus Conventui accessit. Ut autem tantus populus de solatio spirituali participaret, sacri Sermones ad eum facti sunt, et quidem idiomate hungarico per R. P. Theophilum Jakab Lectorem, germ[anico] R. D. Franc[iscus] Samuel, Coopérât. Sztanicsics[ensis] illyric[o] R. D. Antonium Mihálovich, Coop. Sz. Ivánensi[s] Pontificante Rdssimo D. Josepho Rácz, Canonico Honorario, Distr[ictus] Cathedr[alis] Medii VADiacono, et possess[ionis] Keczel Parocho.

Eadem. Zomborini celebrata est Congregatio Generalis, in qua publicatae sunt nonnullae ordinationes Illustrissimi D. Comitis Abrahami Vay, Cottus Marmarosfiensis] Supremi Comitis, qui iam mense Aprili, nominatim die 11. sub suo praesidio ut Comissarius Regius Congregationem Generalem celebravit, ac diebus sequentibus usq[ue] ad finem mensis eiusdem inquisitiones instituit, ut medela ferri possit diversis excessibus, tollerenturq[ue] abusus gravissimi, et oppressiones per Magistratuales passim exercitae. Inter ordinationes ab Illustrissimo Commissario R[egio] submissas una /:de aliis altum tacent DD. Magistratuales:/ publicata est, et quovis anno post hac publicanda erit per singulas possessiones de non dandis quocumq[ue] sub praetextu cuicumq[ue] Magistratualium e Communi Communitatum Cassa donis, ac muneribus quoad Judices, qui dare quidpiam attentarent, sub poena 25. baculorum, quoad Magistratuales, qui acceptarent, sub poena Cassationis.

20. Celebrata est Zomoborini Generalis Congregatio, in qua rationem a se gestae reddiderunt Spectabiles DD. Josephus Rudies, et Carolus Szucsics Deputati Comitiales. Tum sequebatur publicatio Articulorum auctoritate regia sanctionatorum, simul 49. Hos inter primum locum tenet Diploma inaugurata die 28. Sept[embris] a[nni] 1830. occasione inaugurationis a Ferdinando 5. Rege editum, tum de lingva hungarica, operato Urbariali, ponte inter Budam, et Pestinum stabili erigendo, etc., etc., etc.642

Mensis totus sat calidus, sed siccus praeteriit: ideo foenum nullum, aut admodum exiguum; in aliis autem oris, praesertim trans-tibiscanis, ut e publicis paginis constat, siccitas tanta, ut pascua, campi penitus exaruerint, sicq[ue] pecora, ut media hieme stabulari cogantur.

Mensis Julius

2. Emericus Ludvik professione sartor S. Relig[iosam] vestem induit accepto nominem Marcelli.

14. R. P. Lector Marcellinus servavit Examen e Studio Biblico N. F.

19. Iterum incendium! Tertio quadrante ad decimám ante meridiem sonus Campanarum, et clamor repente exortus homines in nundinis hos emtione, illos venditione distentos conturbarunt. In platea S. Antonii tres domus, arundine tectae, et quartae pars posterior, pariter arundinea, hac plaga tactae. Arcularii

642 Die Ständeversammlung verabschiedete 49 Gesetze. Kolosváry, Sándor — Óvári, Kelemen, 1897. 3-80.

420