Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1835

15. Hora media tertia pomeridiana iterum exorto incendio ad Ecclesiam Parochialem secunda a diversorio ad Leonem, seu a Cavena domus D. Nenadovich conflagravit.639 640

17. Lectae sunt Lit[t]erae Circulares A. R. P. M. P. e Congregatione Essekinensi dimissae, quibus nonnulla peculiariter disciplinam religiosam concernentia observanda inculcantur.

21. Rediverunt PP. Castor, et Edmundus iam sacris initiati.

Hoc mense, nimis variabili et pluviae frequentiores, et nives die 18. deciduae atmospheram adeo refrigerarunt, ut noctes iam pruina, iam gelu riguerint, sicq[ue] agri plurimi, imo integra fere territoria non seminata manserint; nam priori mense, sementi opportuno, ob copiam nimiam frugum, ut has triturare possint, sementem neglexerunt. Vindemiae partim priore, partim hoc mense peractae vinum et quoad quantitatem, et quoad qualitatem mediocre fuderunt, imo fors supra mediocritatem.

Mensis November

1. P. Edmundus Szeitz neo-ordinatus Presbyter primum Sacrificium 0[mn]ipotenti obtulit, manuducente A. R. P. Gvardiano.

8. P. Castor Patatich in Bajmak, utpote loco natali, sic optantibus parentibus, ' primitias Sacrificii incruenti Altissimo obtulit.

16. Studium Theolog[icum] implorata ope divina anno Schol[astico] initium dedit.

Mensis hic pariter frigidus et siccus seminationem impedivit. Die 6. huius frigus in thermometro gradum septimum indicabat.

Mensis December

Quo nihil, praeter S. Exercitia peracta, evenit, etiam frigidus erat, cum frigore trium, aut quatvor plerumq[ue] graduum sine pluvia, et nivibus.

Annus quoad naturae producta, nominatim quoad fruges foecundissimis /:foecunditate memoriam superante:/ quoad olera etiam fertilioribus, quoad vinum bene mediocribus, quoad valetudinem hominum salubribus, non vero pecorum accensendus. Comitia ante triennium inchoata continuabantur; quae quidem 28. huius finem sortiri debuissent, sed, quia plura obiecta terminanda restabant, ad humilem Statuum et Ordinum recursum benigne prorogare dignata est Mattas SSma.

639 Das Gebäude des heutigen Kulturzentrums Attila József. Das Restaurant .Arany Oroszlán” (Zum Goldenen Löwen) galt als Treffpunkt der Großgrundbesitzer der Batschka. Im Obergeschoß hatte es 11 Zimmer, im Hof einen Stall für 80 Pferde. Hier wurden auch Theaterstücke in ungarischer und deutscher Sprache aufgeführt, wenn Schauspieltruppen in der Stadt gastierten. Mindszenthy, Antal, 1831.

640 Die Getreidepreise lagen 1836-1839 am niedrigsten in der ersten Hälfte des 19. Jahrhunderts. Szőnyi, Gyula, 1935. 202-203-417