Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1835

bissimo hoc eventu moerorem contestantibus, die 2. Martii tertio post noctem mediam pro prima quadrante hanc brevem cum aeterna vita commutavit. Rex ille, quem singularis in Deum pietas, perpetua in custodiendis legibus religio, assiduum iustitia cuivis administranda studium, rara clementia, admiranda animi demissio toti Europae reddidit venerabilem; quiqu[e] his ipsis, aliisqfue] virtutibus quemadmodum consumatissimi Principis, cum viveret, exhibuit exemplum: ita serae quoq[ue] posteritati Maiestate omnino dignam reliquit imaginem. Ereptus est Pater, qui in amore subditorum, et in horum unice prosperitati intentis studiis tam dignitatis regiae ornamenta, quam cordis sui solatia reposuit; qui nullum pro felicitate creditorum sibi divinitus populorum laborem, nullum fatigium refugit: ut merito hunc eius in subditos amorem exteri etiam suspexerint, et celebraverint. Deniq[ue] occidit Princeps ille, qui eumdem, illumq[ue] semper magnum, fortem, constantem tenere novit animum in prosperis, atq[ue] eundem in adversis. Idcirco has eius virtutes nulla unquam e cordibus subditorum eradet vetustas, nec desinent fideles sub glorioso Austriac Imperii sceptro viventes populi immortalia eius in universis merita gratissima memoria sempiternum venerari. Augustus Dnus, dum viveret, usus est Symbolo ut Imperator Romanorum: Lege, et Fide; hoc titulo deposito, ut Austriae Hereditarius Imperator: Justitia Regnorum Fundamentum.

Statim a morte patris Ferdinandus, iam 1830. coronatus, dimissis ad Serenissimos ADuces, patruos, nominatim Josephum, Hungáriáé Palatinum, et Ludovicum, Caesar[ii] Reg[ii] Armentarii, et Rei Tormentariae Supremum Praefectum, Lit[t]eris, eos provocavit, velint sibi quoqfue], prout olim Patri,63' salutaria consilia suggerendo, assistere in arduo gubernandi munere, dimissis item ad omnia Dicasteria, omnesq[ue] Praesides benignis ordinibus, cunctos in officiis, publicisq[ue] muniis, quae gerebant, confirmavit, atq[ue] omnia iuxta morem, priore regimine receptum, geri, et adminstrari praecepit, eosq[ue] ad fidelitatem, et sibi, et Statui exhibendam, animabat; Quoad Hungáriám dato benigno suo Rescripto ad SS. et OO. Comitialiter congregatos, eos de sua indesinente ad cunctas gentis immunitates conservandas sollicitudine Augusto verbo regio certos reddidit, et ipsa Comitia continuanda clementer decrevit.

14. FF. Benno Pahr, Moravus Kaidlingensis, Celsus Fridrich, Domitianus Arnold, Bohemi Egrenses, et Gilbertus Posgay, Hungarus Hidegségh C[omitatus] Sopron[iensis] vota tertia acceperunt, obtentaq[ue] ab A. R. P. Min. Provli facultate, exacto item in Provincia triennio, atq[ue] resignatione publice perlecta; die sequente in manibus A. R. P. Gvardiani voto solenni se Religioni Seraphicae obstrinxerunt. Hac occasione Fr. Domitianus Mathiae, et Gilbertus Barnabae nomina obtinuerunt. 632 633

632 Über die Herrschaft des Königs Franz I. siehe Takács, Mária, 1909.; Bibi, Viktor, 1922.; Macartney, Carlile, 1971.

633 Ferdinand V. (1835-1848), ungarischer König. Als österreichischer Kaiser war er Ferdinand I. Über die Änderungen während seiner Herrschaft siehe Hőke, Lajos, 1893 ; Szekfű, Gyula, 1920.; Sebess, Dénes, 1931-411