Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1834

duae domus conflagrarunt. Ad tumultum quaedam mulier e somno excitata, et nimio terrore perculsa exanimis concidit.

27. Discesserunt Mohacsinum ad continuandas disciplinas Theolog[icas] exacto isthic biennio FF. Placidus Krumpek, et Anselmus Janotyik.

Mensis hic etiam calidissimus defluxit. Vineae elegantissima, generosissima, et copiosissima vina fundunt non tantum hic, et in vicinia, sed in remotioribus etiam promontoriis, ut publicis ephemeridibus insinuatur, sicq[ue] exspectationi vinicolarum non modo respondent, sed eam longe superant; ea quippe vini copia in plerisq[ue] locis est: ut, quot urnas vasorum quis subministrare potest. Totidem urnas vini puri obtinent, et vasa, quae pluribus annis, tamquam inutilia, et abiecta extra usum erant, nunc in usum convertantur. Pretium vini passim hucdum nullum.

Mensis October

1. Gymnasium R[egium] invocata ope divina annum Scholast[icum) inchoavit.

Eadem. Advenit Zagrabia e Studio Philos[ophico] Fr. Gregorius Dragichevich Alumnus Dosnensis, nunc Theologiae Studens.

18. Lectae sunt Lit[t]erae Circulares A. R. P. Ministri Prov. e prima intermedia Congregatione dimissa, in quibus disciplinae regularis, speciatim nonnullorum eiusdem punctorum accurata observantia inculcatur.

20. Földvarino e Studio Phil[osophico] venit Fr. Gilbertus Posgay.

28. Iterum incendium ante horam nonam matutinam excitatum ad forum nundinale, prope eas, quae 30. Aug[usti] conflagrarunt, duas domos absumsit. Auctor eius, aut caussa ignoratur.

Mensis hic sat calidus, sed siccus transiit.

Mensis November

3. Studium Theologficum] implorata assistrice Sapientia anni Sehol [astici] primordia sumsit.

28. Fr. Conradus Veszely, Sacrista, e dispositione Ministeriali in qualitate Organistae Posegam discessit.

Mensis hic, nulla re alias memorabili gesta, paulisper asperior, at etiam siccus erat.

Mensis December

Quo, praeter S. Exercitia, pro more isthic recepto, peracta, nihil, quae memoria dignum esset, evenit, erat lenior, thermometro plerumq[ue[ supra o gradus, adeoq[ue[ caloris, usq[ue) decem indicante Pluviae nullae, nives eo minus.

Annus quoad naturae producta, nominatim fruges cuiusvis speciei, ne mediocribus quidem, quoad vini et quantitatem, et qualitatem uberrimis, quoad valetudinem salubribus adnumerandus. Olera, legumina, ciclamina, Zea /:fagopyrum:/ ante maturitatem exaruerunt, Fames metuitur. Vinum nimis forte complures, eo immoderate utentes perimit. Comitia circa finem anni 1832. inchoata continuantur.631

631 Über die Arbeit der Ständeversammlung siehe Sörös, Pongrác, 1915.

409