Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1828 - 1829

Mensis hic iam siccus, iam pluviosus pertransiit. Nonnullae dies amoenissimae, sed noctes semper frigidae erant. Die 27. flante vehementissime Borea aura adeo refrigerata: ut terra gelu constringeretur, ac tandem ningeret, quin prius v pruinam experti fuissemus.

27. Franciscus Seraph[icus] Gleixner, sodalis Pannifex per R. P. Lectorem Stephanum Religionis Habitu indutus est, accepto nomine Ignatii.

Mensis November

4. Regium Gymnasium invocato auxilio superno initium dedit anno Scholastico.

5. Idem fecit Studium Conventuale Theologicum.

12. Advenerant e Novitiatu Viennensi, audita in seculo Philosophia, Theologicas disciplinas excepturi FFr. Sigismundus Brunner, Hieronymus Gartner, et Cyrillus Zaruba.

23. FF. Gelasius Schneider in secundum, et Demetrius Lucsich in primum annum Theologiae Auditores deposita veste Religiosa seculum repetere sunt coacti.

Mensis huius dies prima, prout et prioris ultimae brumales erant: mutato dein tempore atmosphera tantisper calefacta variabat, iam nebulis gravis, iam ventis aspera, frigus tamen magnum nungvam.

Mensis December

6. Repertus est homo quidam exanimis ante 12. circiter dies deperditus, in fossa extra Oppidum Szeremlye versus sita. Hic, re investigata, Cauponi in educillo Rév-Korcsma dicto nimis mero gravatus importunus existens per eum eiectus, in eam fossam, sui impos, verosimiliter prolapsus, et auxilio destitutus perivit.

21. Fr. Ernestus Benischich, Slavonita Vukovariensis exacto in Provia triennio, et 21. aetatis anno completo, atq[ue] licentia ab A. R. P. M. Provli habita vota tertia accepit, protestationeq[ue) publice facta

22. in manibus A. R. P. Gvardiani vota solenniter Deo nuncupavit.

Primae huius mensis dies frigidae erant: inde a 10. usq[ue] 28. calidae adeo, ut arbores fere pullularent. Postremae tres frigidissimae. Annus mediocribus accensendus.

Annus 1829-Mensis Januarius

Nullo notabili obiecto semet offerente, Mensis hic nimis variabat: priore eius parte frigus magis saeviebat, altera iam remittebat, iam increscebat; nives tamen deciduae permanserunt.

Mensis Februarius

Media nocte inter 5. et 6. Depositorium cuiusdam Piscatoris combustum.

8. Fr. Theophilusjakab, 2. in annum SS. Theol[ogiae] Studens, Hungarus Colocensis, expleto in Provia quadriennio, et 21. aetatis anno superato, obten-367