Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1823

Mensis hujus 19* Circulares litterae Provinciae e Congregatione Sarengradiensi dimissae perlectae sunt, queis anteriora statuta Provinciae confirmantur et vigorisantur.

Mensis Augustus

2a. Die scilicet festo S. Mariae Angelorum de Portiuncula Aniversario dedicationis copiosus aderat populus; Sacrum decantavit Rssmus D. Abbas Parochus Loci sub Infula; atque solitae dictiones habitae sunt; Hungarica per E.D. Ignatium Paulik et Germanica R. D. Marianum Hlassanovich Cooperatores Bajenses; Illyricam dixit orationem P. Thaddaeus Lector Thlgiae.

18a. P. Lector Thaddaeus et sequenti die ex suis respectivis objectis R. P. Stephanus Ninkovich Lector Examina semestralia altera instituerunt.

23* P. Lector Thaddaeus cum Fre Andrea Rasztovich ad Studium Aradiense disposito Budam abiit.

24. R. P. Lector Stephanus et R. P. Marianus itidem Thlgiae Lect. Aradiensis Pestinum pro faciendis examinibus rigorosis in I. Universitate Hungarica abiere.

31a. Cum P. Lectore Thaddaeo reduce ad Studium /: Philosophiam interea Szabariae absoluto :/ horsum advenit Fr. Bemardinus Tassler Szabaria oriundus.

Mensis September

Mensis quoniam Augustus amoenas atque siccas paucis demptis dies tulerit, uvae utcumque maturuerant, et vindemiam, ut ut non copiosam, bonam tamen spondent.

7a. Cum R. P. Lectore Stephano reduce faustis onimibus pro decore Provinciae eruditionis suae palam Pestini facto periculo, terminatisque feliciter examinibus, R. P. Caecilianus Szvoboda Gvardianus Földvariensis advenit; qui die sequenti cum Fr. Henrico Blaho adjutore in collectione vini futuro discessit Földvarinum.

23a. Rediit Buda horsum R. P. Lector Marianus Jaich terminatis aeque feliciter examinibus ac cura thermarum experta.

27a. Suffragiis favorabilibus pro FF. Hyeronimo Vavro ac Venceslao Krtsmery collectis; factaque publica coram universa familia ad normam Concilii Tridentini protestatione, post trium Annorum Ordinis ac Provinciae probationem ad emittendam S. Professionem in manibus A. R. P. Gvardiani admissi sunt; ex quibus Fr. Hyeronimus Vavro mox post sumptum prandium cum suo R. P. Lectore Aradinum pro continuando Studio Thlgco discessit.

Praeter omnem spem institutis imprimis in transdunabianis [transdanubianis] partibus vindemiis tanta vini copia emersit, ut prae inopia vasorum urna puri vini ab uno floreno et 30* xr in foro vaenierit.

Mensis October

Advenit P. Alexander Kervarich ex Studio Thlgco Aradino horsum cum munere Concionatoris.

P. Justinus Tanos e Conventu Essekiensi horsum in qualitate Exhortatoris et Supplentis, quo munere et antea fungebatur, advenit.

22a. Fr. Callistus Schmutzer e Novitiatu Földvariensi pro Studio Thlgico horsum advenit.

323