Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)
de Colos, preterea duas consimiliter sessiones iobagionales in possessione Zazberethe nominatis in eodem Zolnok interiori comitatibus existentes et habitas simul cum cunctis suis utilitatibus et pertinentiis quibuslibet, terris scilicet arabilibus cultis et incultis, agris, pratis, pascuis, campis, fenetis, silvis, nemoribus, montibus, vallibus, vineis vinearumque promontoriis, aquis, fluviis, piscinis, piscaturis aquarumque decursibus, molendinis et eorundem locis, generaliter vero quarumlibet utilitatum et pertinentiarum suarum integritatibus quovis nominis vocabulo vocitatis ad easdem curiam nobilitarem, necnon sessiones iobagionales de iure speetantibus et pertinere debentibus memorato Sigismundo de Madaras, suisque heredibus et posteritatibus universis sub conditionibus et clausulis infra declarandis dedisset, donasset et inseripsisset iure perpetuo et irrevocabiliter tenendas, possidendas pariter et habendas, imo dedit, donavit et inseripsit nostro in conspectu tali modo, quod idem Sigismundus de Madaras quousque in humanis egerit aut supervixerit, prefatis Gregorio ac fratribus suis predictis servitia prenarrata continuando more et instar ceterorum liberorum servitorum, qui prediales solent nuncupari, semper servire teneatur; casu vero, quo eundem Sigismundum Madarasy divina volente clementia ab hac luce decedere contigerit, extunc heredes et posteritates eiusdem Sigismundi prefatis Gregorio et fratribus suis prenotatis similia servitia prestare impendereque sint astricti; hoc expresse declarato, quod si idem Sigismundus aut eo decedente heredes et posteritates sui prefatis Gregorio et fratribus suis predictis modo antelato servire recusaverint seu renunciaverint, extunc presens collatio ipsius Gregorii eidem Sigismundo Madarasy aut heredibus suis in nulla parte suffragari valeat, quin potius irrita maneat et invigorosa, assumpmendo nichilominus idem Gregorius filius annotati condam Thome Erdély eundem Sigismundum de Madaras oneribus sub premissis in pacifico dominio preseriptarum domus et curie nobilitaris, ac sessionum iobagionalium successivis semper temporibus contra quosvis legitimos impetitores, causidicos et actores tueri, protegere et conservare propriis suis laboribijs et expensis, quod si ipse Gregorius aut fra-
