Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)

Gregorius Erdély domum et curiam eiusdem Iohannis nobilitarem in prescripta possessione Somkerek vocata, in comitatu Zolnok interiori in partibus Transsilvanis existenti adiacentem, quam ipse Iohannes in terra vacua et plana, ubi scilicet alias domus et curia nobilitaris condam Nicolai Erdély prefuisset, propriis suis sumptibus et expensis disponere et edificare fecisset, simul cum totalibus portionibus possessionariis eiusdem Iohannis Erdély in eadem Somkerek ac Zeker Berethe, Kach, Magasmarth, Wyragosberek, Zaaznemege, Olahnemege, Lwchka, Prezlap, Chepan, Nemethy, Wdwarhel et Egres possessionibus vocatis, omnino in dicto comitatu Zolnok interiori existentibus habitis, in quarum ipse Iohannes Erdély ad presens cum ipsa domina consorte sua pacifico dominio existeret, simul cum cunctis earundem utilitatibus et pertinentiis quibuslibet ad easdem de iure et ab antiquo spectantibus et pertinere debentibus prefate domine Petronelle consorti eiusdem Iohannis Erdély post mortem eiusdem Iohannis Erdély domini et mariti sui vita sibi comite, quousque ipsa domina Petronella nomen prefati Iohannis Erdély domini scilicet et mariti sui gesserit ac in viduitate decenti honore permanserit, dedissent, concessissentque et annuissent tenendas, possidendas et pacifice utendas. Ubi autem ipsa domina Petronella ad secunda vota se transtulerit et receperit, hoc est alteri viro maritata fuerit, aut aliquam religionem ingredi voluerit vei ingressa fuerit, extunc iidem Martinus et Gregorius Erdety, necnon filii et filie dicti Martini ac fratres et sorores eiusdem Gregorii pre tactas domum et curiam nobilitarem, necnon portiones possessionarias in pre allegatis possessionibus existentes habitas ab ipsa domina Petronella interea occupare non valerent, nisi prius ipsi domine Petronelle pro totali satisfactione dotis ac rerum parafernalium et aliorum iurium suorum quorumlibet eidem de prescriptis domo et curia nobilitari, ac portionibus possessionariis qualitercunque provenire debentium sexingentos florenos auri darent, deponerentque et integre persolverent, iidemque Martinus et Gregorius oneribus sub premissis in se ipsos modo premisso levatis pre tactos sexingentos florenos ipsi domine Petronelle dare et persolvere promisissent et assumpsissent.