Thallóczy Lajos: Jajca (bánság, vár és város) története. (Budapest, 1915. Magyarország melléktartományainak oklevéltára. Codex diplomaticus partium regno Hungariae adnexarum 4.)
Commissio propria domini regis. Ludovieus Dei gratia rex Hungarie et Bohemie etc., fidelibus nostris universis et singulis dominis prelatis et baronibus, item egregiis nobilibus proceribus, banis, prefectis locorum, aliisque officialibus nostris et aliorum quorumcunque militaribus, agilibus subditis nostris, in regnis nostris Hungarie, Sclavonie, Croatie et Bozne constitutis et commorantibus, cuiuscunque conditionis et status atque ordinis existant, presentes visuris, salutem et gratiam. Intelleximus, qualiter essent plerique ex vobis, qui gentes suas iuxta commissiones nostras etiam reppetitas versus Jayczam nondum misissent, intelleximus etiam, qualiter quidam ex vobis et ex vestris subditis, diebus proxime preteritis, terras Cesaris Thurcorum contra fidem nostram et pacem cum eo initam invasissent, et aliquid prede illinc abduxissent, quod nobis plurimum displicuit. Quam ob rem volumus et fidelitati vestre ac vestrum cuilibet, quorum intererit, et qui cum presentibus requisiti fueritis, harum serie firmissime, sub pena amissionis bonorum, beneficiorum, officiorumque mandamus, quatenus preter omnem moram, quilibet vestrum, gentes suas versus Jayczam mittere debeat, ut victualia tempestive inferri queant. Ceterim captivos et aliam omnem predam, quecunque ad manus vestras vei vestrorum ad terras ipsius Cesaris, libere, pacifice et absque omni damno reddere et remittere debeatis. Nam si secus factum fuerit, certi sitis, quod quicumque hoc mandatum nostrum transgressi ex vobis fuerint, in eos cum omni severitate animadvertemus, ac eos tam in rebus, beneficiisque, ac officiis, atque ubi conveniet, etiam personis puniri faciemus. Reliqua dicet unicuique vestrum fidelis noster egregius Alarcus de Wyzoka, cubicularius noster, presentium ostensor. Tam de his, quam etiam de nonnullis aliis negotiis nostris et regnorum nostrorum, cuius verbis in omnibus fidem creditissimam adhibere et quecunque nomine nostro dixerit, exequi módis omnibus debeatis et secus facere non presumatis. Presentibus perlectis exhibenti restitutis. Dátum Bude, feria secunda proxima post festum beati Stephani regis, anno Domini millesimo quingentesimo decimo nono. f. 1519. aug. 22.
