Horváth Richárd: Győr megye hatóságának oklevelei (1328-1525). (Győr, 2005. A Győri Egyházmegyei Levéltár Kiadványai, Források, tanulmányok 1.)
Ambrosius Parvus, Iohannes Zabo, Mathias Wadwra, Bartholomeus Pathonay, Andreas Chege, Iohannes Márkus, Paulus Warga, Iohannes Kelemen, Thomas Karay, Michael Berthalan, Nicolaus similiter Karay, Petrus Nagh, Gregorius Balassy, Petrus Repas, Laurencius Tóth, Mathias Syweg et Albertus filius Pauli Nag, iobagiones religiosi fratris Gregorii prepositi de Chorna in porcione sua possessionaria Naghbarathy vocata in comitatu Iauriensi existente habita commorantes de speciali mandato et commissione eiusdem fratris Gregorii prepositi, domini scilicet ipsorum sub pena byrsagii per ipsum fratrem Gregorium prepositum eis imposita manibus armatis et potenciariis insurgendo, pecudesque et pecora eorum ad territórium possessionis ipsorum exponencium Nywl vocate in dicto comitatu Iauriensi existentis habite compulissent, ibique milium iobagionum eorundem exponencium in eadem possessione eorum Nywl commorancium fere ad viginti iugera terrarum arabilium se extendens per eosdem iobagiones ipsorum exponencium seminatum, cum dictis pecudibus et pecoribus ipsorum penitus et omnino conculcari, depasci et anicihilari fecissent, in quibus dictis exponentibus et eorum iobagionibus plus quam quadraginta florenorum auri dampna intulissent potencia mediante in preiudicium et dampnum dictorum exponencium valde magnum. Super quo prefatus dominus noster, dominus rex nobis mandaverat, quatenus de premissis meram faceremus inquiri veritatem, prescriptas partes ad unum certum et brevem terminum nostri in presencia evocari faceremus, auditisque proposicionibus, responsionibus et allegacionibus earundem parcium, visisque legittimis probacionibus earundem causa in premissa partes inter predictas verum et rectum iudicium amministrare et facere deberemus auctoritate ipsius regie serenitatis nobis attributa et iusticia mediante. Nos itaque mandatis ipsius domini nostri, domini regis in omnibus obedire cupiendo, ut tenemur, unum ex nobis, videlicet prescriptum Simonem Chathary iudicem nobilium, ut premissum est, ad execucionem prescriptarum litterarum dicti domini nostri, domini regis faciendam duximus transmittendum, qui tandem exinde ad nos reversus nobis retulit eo modo, quomodo ipse feria tercia proxima post festum Beati Bartholomei apostoli proxime preteritum e in predicto comitatu Iauriensi procedendo ab omnibus, quibus decuisset et licuisset, nobilibus videlicet et ignobilibus ac alterius cuiusvis status et condicionis eiusdem comitatus hominibus palam et occulte diligenter inquirendo omnia premissa et quevis premissorum singula sic et suo modo facta perpetrata fore rescivisset, prout dicto domino nostro, domino regi expositum extitisset f et quemadmodum tenor litterarum suorum per omnia contineret prescriptarum, facta vitaque^ huiusmodi inquisicione eodem die predictus Simon Chathary iudex nobilium preallegatum fratrem Gregorium prepositum de Chorna in porcione sua possessionaria in possessione Naghbarathy predicta habitaque huiusmodi inquisicione eodem die prefatus Simon iudex nobilium predictum fratrem Gregorium prepositum in porcione sua possessionaria Naghbarathy habita contra annotatum capitulum ecclesie Iauriensis ad sabbatum proximum post festum Beati Egidii abbatis tunc proxime affuturum h, diem scilicet sedis iudiciarie nostre, nostram evocasset in presenciam racionem premissorum redditurum efficacem, litis pendencia, si qua foret inter ipsos, non obstante, prescriptos eciam iobagiones suos eidem statuere commisisset, insinuasset ibidem, ut sive ipse in dicto die et termino coram nobis compareat et dictos iobagiones suos statuat, sive non, nos ad partis comparentis instanciam id faceremus in premissis, quod iuri videretur expediri. In
