Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

den fleckhen vnd befestigungen sonnst kainen newen mergklichen paw auf kayserlich maiestat cossten thun on irer maiestat sonnder beuelh. Auch ob kayserlich maiestat herlichaiten, obrigkhaiten, gerechtigkhaiten, burgern, lewten, vnnderthanen, grundten, gutern, rennten, gulten, einkomen, höltzern, welden, vörsten zu gemelten ortflekhen gehörig treulich vnd redlich hallten, der kayserlich maiestat derselben kainen entziehen, oder öden lassen vnd dasselb auch nit thun, sonnder die bis an kayserlich maiestat vestigklich hanndthaben. Die burger, lewt vnd vnderthanen baider gemelter ortfleckhen bey iren rechten vnd gerechtigkhaiten, auch gewöndlichen robaten, dinsten, renten vnd gulten beleiben lassen, vnd sy, desgleichen auch die anstossenten vnd nachtperschafften wider allt herkomen vnd pillichait mit dringen noch besvveren. Auch den burgern vnd vnnderthanen gut gleich gericht vnd recht gestatten, mittaillen vnd hallten, armen alls reichen vnd reichen alls armen vnd sy darin trewlich vnd wol beuolhen habén. Alls ich das gegen Got veranntworten wil, doch daneben fur alle vntrew, ergernuss vnd abfal, so haimblich oder offenlich in frides oder khriegszeiten vnnder der kayserlich maiestat burgern, lewten vnd vnnderthanen erscheinen möchten, vleissig aufmerkhen habén vnd fursehen thun, vnd wo ich in solhem fellen verhandlung oder vbeltat ergrunde, dagegen rechtmessig strengkhait vnd straff hanndeln, vnd furnemen. Ich sol vnd wil auch berurter irer kayserlich maiestat fur ir maiestat selbst vnd bemelten irer maiestat brueder vnd so dieselben nit weren, iren negsten erben die genantenn ortfleckhen vnd beuestigungen allzeit offen hallten, sy vnd die iren so sy yezuzeitten darein schaffen vnd verordnen, darein vnd darauss komén vnd darin enthallten lassen, wider menigklich, niemand aussgenomen, alls offt das not vnd begert wirdet, doch auf ire kayserlich maiestat cossten vnd on meinen merckhlichen schaden. Ich sol mich in sonnderhait in fridens vnd aufstannds zeitten gegen derr herrschafft Venedig vnd den Íren fridlich, nachperlich vnd gutlich haltén, in kainem weg vnd