Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

vmb nichten angrief, emporung, khrieg, noch vhedt vrsachen, noch erwegkhen. Es wer dan, das mir an ir kayserlich maiestat gegrundten offennbaren herlichkhaiten, oberkhaiten, gerechtigkhaiten, lewten vnd vnnderthanen gutern, vnd zugehorungen, der sy in possession vnd geweer weren, gwaltig anfechtung vnd irrung, abzug begegnen wurde, dieselben mit geburlicher gegenweer vnd ob not wurde, mit der tat behalten, vnd bis an die kayserlich maiestat vestigkhlich hanndthaben. Ich solt auch sonnst, von irer kayserlich maiestat wegen, noch fur mich selbs kain khrieg noch vhedt aus berurten ortfleckhen anfahen, noch vben, noch mich zu den zeitten, so kayserlich maiestat der ennden khrieg hetten, gegen iren veindten befinden, noch fridlich anstannd annemen ausserhalb irs wissens vnd beuelhs. Ich sol in den berurten ortfleckhen nimermer niemannd, der gegen der berurten kayserlich maiestat, noch auch derselben lannden vnd lewten zu veindtschafft, widerwertigkhait oder beswerung abgesagt, verdacht oder geferlich were, enthalten, sonnder kayserlich maiestat derselben lanndt vnd lewt in dieselben vnd annderwegs mit diser hauptmanschafft in guter ruee vnd behuet vnnderhalten, vnd was mir in dem allén yezuzeiten zu swer furfallen vnd begegnen wurde, dasselb allzeit an ir kayserlich maiestat oder iren abwesen an irer maiestat stathalter vnd hofrat, die irer maiestat regirung der niderosterreichischen lannd zu yederzeit hanndeln werden, bringen vnd gelangen lassen, darauf mein aufsehen habén, vnd mich irer kayserlich maiestat vnd derselben irer maiestat hofrát bescháden vnd beuelhen gemess und gehorsam hallten. Vnd wan berurter kayserlich maiestat fur sich oder irer maiestat brueder. vnd so die baid nit weren, ir negst erben mir oder wann ich nit wer, mein erben die gedachtn hauptmannschafft vnd ortfleckhen nach irer gelegenhait vber kurz oder lanng personndlich vnnder augen oder brieflich zu mein oder meiner verwalter anwelde vnd dinstleut hannden in die ortfleckhen abkhunden, vnd vnns wider dauon abfordern wurden, so sollen wir, oder in vnnserm