Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

gwallt dartzu ordnen, den benanten graff Steffann vnd den seinn dartzu verchunden vnd darob sein welle, damitt dieselben sachen gutlich vertragen, oder aber mit recht enntschaiden werde. Darumb sol sich graff Steffann anstat sein selbs, seins suns vnd seiner erben yetz hie gen seiner kaiserlichen maiestat notturfftigklich verschreiben, solichs alles wie vor berurt ist anzunemen vnd dem seins tails nachzukhomen, daz wir dieselb teding vnd berichtt mit guttem willen angenomen vnd seinen kaiserlichen gnaden bey vnnsern eren vnd trewn gelobt, zugesagt vnd versprochen habén, gelobenn, zusagenn vnd versprechen auch fur vns den benanten vnnsern sun vnd all die vnnsern wissentlich mit dem brief, daz wir die berurt teding vnd berichtt in allén yrenn stukhen, puncten vnd artikeln redlich vnd aufrichttigklich, vesst, stett vnd vnczuerbrochen haltén vnd dawider nicht tun, noch des yemannds anndern von vnnsern wegen ze tun gestattenn wellenn, noch sullenn, in khainn weis. Ob wir aber der vorbemelten teding vnd berichtt nicht haltten, dawider tun, oder yemannds anndern ze tun gestatten wurden, so sullenn vnd wellenn wir seinn kaiserlichen gnaden vnd seiner gnaden erben zechenn tausenntt guldein vnngrisch vnd ducaten zu vall vnd peen vnablesslich zu bezallenn verfallenn sein, der ir gnad von vns, vnnsern erben vnd aller vnnser hab vnd gut, wie in das am pesstenn fugen wurde, selbs bekhomen mugen, alles treulich vnd ongeuerde. Mitt vrchund des briefs besigeltt mit vnnserm vorgenanten graff Steffans von Frangipan etc. aignem anhangundem innsigel. Vnd zu merer gezeugnus vnd pesser sicherhait habén wir mit vleis gepetten den edeln vnd strenngen ritter hern Andreen Premer, verweser zu Gretz vnd den edeln vnd vessten Casparen von Hard, daz sy yre innsigel auch an den brief gehanngen habén, doch in vnd yren erben anschaden. Darunder wir vns vnd den benanten graff Bernhardin vnsern sun, fur den wir vns angenomen habén, vnd fur all vnnser erben vnuerschai-