Oklevéltár a gróf Csáky család történetéhez. I. Oklevelek 1229–1499. (Budapest, 1919.)

predecessoris nostri carissimi sub ipsius secreto sigillo tantummodo et serenissimarum principum Elyzabeth et Marié reginarum matris et conthoralis nostrarum carissimarum felicium recordacionum necnon nostre sub earum atque nostris tam maioribus quam minoribus sigillis super factis quibusvis et presertim possessionariis pro quibuscunque personis dignitate quavis et condicione fungentibus ecclesiasticis et secularibus date et assignate pro tollendo omni dubio removendo scandalo et ad evitanda multa atque varia, quae propter sigillorum ipsarum reginarum atque nostrorum deperdicionem ac nostri maioris videlicet dupplicis ex causis et racionibus legitimis confraccionem in multorum iuribus et presertim possessionariis dampna gravia et periculosa detrimenta hactenus evenire potuerunt a festő beati Georgii martyris iam proxime preterito usque festum eiusdem primitus affuturum sub pena revocacionis annulacionis et cassacionis huiusmodi litterarum non producendarum per nos vidende examinande et si opus fieret sub presenti nostro maiori sigillo de novo preparato confirmande approbande et ratificande nostre claritatis exhiberi deberent conspectui et presentari. Tandem fidelis noster vir magnificus Nicolaus filius condam Stephani de Chaak alias vayvoda noster Transilvanus sua ac Georgii pridem comitis Siculorum nostrorum, nec non Stephani fratrum suorum uterinorum in personis nostri culminis adiens conspectum, exhibuit nobis quoddam privilégium nostrum ipso priori maiori sigillo nostro pridem confracto et permactato consignatum super manifesta declaracione notorie infidelitatis condam Kopaz palatini quam contra sacram coronam regiam et regium culmen commisisse perhibetur, ob quam scilicet castris suis Kereszeg et Adryan vocatis in comitatu Byhoriensi existentibus necnon oppidis villis prediis sessionibus iuribus iurisdiccionibus tributis obvencionibus ac aliis cunctis ipsorum castrorum pertinenciis et emolimentis non immerito, sed publice et manifeste predecessores nostros reges Hungarie de unanimi decreto et sanccione primatum baronum et regni nostri procerum privatus extitit et sentencialiter destitutus, tandemque nobis celico opitulamine solium dictorum regnorum nostrorum feliciter adipiscentibus eisdem castris et