Oklevéltár a gróf Csáky család történetéhez. I. Oklevelek 1229–1499. (Budapest, 1919.)

bus christifidelibus tam presentibus quam futuris presencium noticiam habituris salutem in salutis largitore. Cum mundi labilis condicio sit caduca, et geste rei memória propter brevem vitám hominum caligine oblivionis offuscata nequeat in evum perdurare, provida solicitudo adinvenit, ut ea, que in tempore geruntur, ne simul labantur cum eodem, literarum testimonio solidentur, et ne inrecidive scrupulum invalescat, regio convenit patrocinio communiri. Proinde ad universorum noticiam tam presencium quam futurorum harum serie volumus pervenire, quod cum nos prelatorum baronum et pociorum regni nostri procerum communicato consilio et sana deliberacione exinde subsecuta id statuentes decreverimus et ubique in regno nostro fecerimus publice proclamari, ut universe litere condam excellentissimi principis domini Lodovici regis Hungarie etc. soceri et predecessoris nostri carissimi sub ipsius secreto sigillo tantummodo et serenissimarum principum Elizabeth et Marié reginarum matris et conthoralis nostrarum carissimarum felicium recordacionum, necnon nostre sub earum atque nostris tam maioribus quam minoribus sigillis super factis quibusvis et presertim possessionariis pro quibuscunque personis dignitate quavis et condicione fungentibus ecclesiasticis et secularibus date et assignate pro tollendo omni dubio removendo scandalo et ad evitanda multa atque varia, que propter sigillorum ipsarum dominarum reginarum atque nostrorum deperdicionem ac nostri maioris videlicet dupplicis ex causis et racionibus legitimis confraccionem in multorum iuribus et presertim possessionariis dampna gravia et periculosa detrimenta hactenus evenire potuerunt, a festő beati Georgii martyris iam proxime preterito usque festum eisdem primitus affuturum sub pena revocacionis anulacionis et cassacionis huiusmodi literarum non producendarum per nos vidende examinende, et si opus fieret sub presenti nostro maiori sigillo de novo preparato confirmande approbande et ratificande nostre claritatis exhiberi deberent conspectui et presentari, tandem fidelis noster vir magnificus Nicolaus filius Stephani de Chaak alias wayvoda noster Transsilvanus sua ac Georgii pridem comitis Siculorum nostrorum et Stephani fratrum suorum uterinorum in personis nostre celsitudinis