Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

nostre solum superstitem exorta graviter regni nostri fecit diutius gubernacula fluctuare, pacisque optata tranquillitate divinitus restituta, ad cor reversi nostrorum factorum merita, teste conscientia, rimaremur, inter cetera fragilitatis nostre commissa, sancte Wesprimiensis ecclesie suis iuribus, tum petentiuin inportunitatibus, tum etiam concepte indignationi in creandis in eadem plerumque (!) pontificibus ex livore in alios translatis nostra potestate nos invenimus ac perpendimus graves et iniuriosos plurimum extitisse. Volentes igitur lese taliter nostre conscientie maculam debita satisfactione salubriter expurgare et devote emendare, in quo temere potestatis nostre calcaneum adversus tam honorabilem beati Mychaelis archangeli prepositi celestis paradisi basilicam dinoscimur erexisse, formidantes non inmerito, ne per hoc eiusdem archangeli suffragio destituti, digna pro meritis feriamur amplius ultione, nec mereamur in extremis cum beatis spiritibus ipsum obtinere ducem propitium summi iudicis in conspectum, reverendum in Christo patrem Paulum eiusdem Vesprimiensis ecclesie episcopum dilectum et fidelem nostrum vocavimus et ea, super quibus idem ex debito officii pastoralis expertis ac cognitis ecclesie sue gravibus iniuriis et iacturis nostram crebro sollicitabat maiestatem, benignitate voluntaria et affectu devotionis sincere ob cultum iuris et bonum conscientie palam detersimus, promittentes exhibende satisfactionis ex debito, que cuiuspiam adulationibus faventes potenter concessimus iuris Vesprimiensis ecclesie in gravius detrimentum, efficaciter reformare. Decimas sane in Budensi territorio ad parochiam ecclesie Beate Marié de Bana et capelle beate Margarete, iamdicte ecclesie Virginis Gloriosefilie, ad quam vicus Kwachy nuncupatus spectare dinoscitur, pertinentes, que de vinetis Popmai seu Pyspukmal, Eleumal, Kerekud et Banafeld appellatis percipi consueverunt, quas capitulum Budensis ecclesie occupavit, inquisita plenius veritate atque scita conperimus et plene scivimus iuris fore Vesprimiensis ecclesie supradicte et prenotatum Budensis ecclesie capitulum per temporalem ac gratuitam concessionem quarundam tunellarum vini, quas Bartholomeus pie recordationis quondam episcopus Vesprimiensis ob favorem amicitie speciális paulo ante cladem Tartarorum, per quam divina ultione regnum nostrum crudeliter extitit flagellatum, Benedicto tunc Budensi preposito et postmodum in Colocensem et Strigoniensem metropolas translato fecerat, sicut certo certius personis scivimus referentibus fidedignis in ius percipiendi easdem decimas successu temporum subrepsisse, ipsa Vesprimiensis ecclesia indignatione nostra prepediente,