Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)

cant usque ad sententiam exclusive et nobis in consistono referant. Cum potestate citandi et inhibendi in Romana curia et extra eam, citeraque faciendi, quae causae et causarum huiusmodi merita postulant et requirant, constitutionibus et ordinationibus apostolicis stilo palacii, caeterisque in contrarium facientibus non obstantibus quibuscunque, statum et merita causae et causarum huiusmodi pro suffìcienter expraessis habentes. Signata reperiebatur commissio huiusmodi primo sub hiis verbis : De mandato domini nostri papae audiant praefati reverendissimi cardinales et episcopus et referant, ut praemittitur. Deinde sequebatur alia in hunc modum : Placet. Fiat. Huiusmodi siquidem commissione nobis et per nos, ut praemittitur, facta et presentata ac recepta nos Antoniotus et Iohannes cardinales relatores et commissarii praefati, quia diversis aliis negotiis impediti cognitioni (?) et instructioni causae huiusmodi intendere non potuimus, supradicto domino Felino episcopo Pennensi, collegae nostro, vices nostras in causa et causis huiusmodi usque ad relationem per nos et eundemque iuxta nobis factae et praesentatae commissionis praedictae vini, formam et tenorem praefato sanctissimo domino nostro papae faciendam commisimus. Et deinde causa et causis huiusmodi per nos Felinum episcopum relatorem et commissarium in statu debite resumptis, subsequenter certa die et hora comparuit legittime coram nobis Felino episcopo, altero ex iudicibus commissariis, ac etiam, ut praefertur, subdelegato praefato, providus vir magister Marianus de Coccinis in Romana curia causarum et illustrissimae dominae Beatricis de Aragónia, relictae inclitae memoriae Mathiae olim regis Ungariae, principális in praeinserta commissione principaliter nominata procurator, prout de suae procurationis mandato legittimam et suffìcientem fìdem fecit. Et pro causae huiusmodi ad Romanam curiam devolutione nonnullas litteras apostolicas in forma brevis, sigillo sive signeto annuii piscatoris praefati sanctissimi domini nostri papae a tergo sigillatas, unacum earundem litterarum executione sive insinuatione in personam illustrissimi et serenissimi principis et domini, domini Wladislai Ungariae