Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
scripta certificetis, ut de tempore et conditione rerum conformare, et hanc etiam maiestatem de eiuscemodi affinitate certiorem reddere queam. Hoc unum non praetermittendum putavi, optaret regia ista maiestas, postquam affinitas per oratores solemniter concludetur, principes vestri illustrissimi in sortem dotis ad alendum exercitum in praesenti bello saltem quinquaginta aut sexaginta milia ducatorum suae maiestati darent. Qua in re dominatio vestra diligentiam faciat et rescribat. Rescribat autem citissime de his omnibus, ut rem cum maiore dexteritate tractare et conducere valeam. Quod autem scribitis principes illos illustrissimos se paratissimos obtulisse ad interponendum partes suas pro concordia inter serenissimum dominum Maximilianum et hanc maiestatem domini nostri regis etc. sua maiestas de dominationum suorum optimo animo, optimaque voluntate cumulatissimas habet, agitque grates, et nacta opportunitate, referre etiam curabit. Verum tarnen nonnulli principes electores, suae maiestatis consanguinei, praecipue vero dominus Albertus dux Saxoniae cum fratribus una se iam ultro interposuit, et his diebus dedit litteras ad suam maiestatem, rogando illam, dignetur mittere oratores ad eum, ad conuentum principum Germaniae, ubi cum fratribus, caeterisque principibus una cooperabitur, ut bellum hoc et differentiam inter suam maiestatem et dictum dominum Maximilianum sopiatur, et arma contra se se deponantur. Assecurat autem suam maiestatem de concordia modo oratores ipsos mittat, quoniam principes ipsi Germaniae, qui uti plurimum utriusque maiestatis partim sunt affines, partim vero consanguinei, pati nollunt, quod armis decernant, quam potius illa ad hostes fidei et alios aemulos convertant, sicque honestam pacem et concordiam propediem secuturam et ab illa parte speramus. Oratores autem illos infra biduum ad ipsam diaetam expediemus. Nunc non aliud, nisi ut dominatio vestra bene valeat, cito rescribat et me suum existimet atque pulveribus pedum illustrissimorum illorum principum humiliter commendet. Ex Buda, penultima Április, 1491. Vester quicquid est Thomas episcopus Jauriensis, regni Ungariae cancellarius etc.
