Géczi Lajos: Anjou–kori Oklevéltár. IX. 1325. (Budapest–Szeged, 1997.)
Apostolice sedis circumspecta benignitas pro consideratione personarum, locorum et temporum consuevit — cum expedit — mitigare rigorem et quod negat iuris severitas, personis benemeritis per oportune dispensationis gratiam indulgere. Oblata siquidem nobis pro parte tua petitio continebat, quod olim ecclesia Iauriensis per obitum bone memorie Theodori episcopi lauriensis vacante dilecti filii .. decanus et capitulum eiusdem ecclesie te, quem credebant de soluto genitum et soluta ob hoc patientem in natalibus ac tunc in sacris ordinibus et etate defectum pro eo, quod per te sperabant iura eiusdem ecclesie posse defendi et salubriter gubernari, in Iauriensem episcopum concorditer postularunt. Felicis quoque recordationis Clemens papa V predecessor noster per litteras bone memorie Gentilis tituli Sancti Martini in Montibus presbyteri cardinalis tunc in partibus illis apostolice sedis legati necnon venerabilis fratris nostri .. archiepiscopi Strigoniensis metropolitani tui ac plurium episcoporum ac etiam carissimi in Christo filii nostri Caroli (V; li szótag utólag beszúrva,) regis Vngarie illustris ac dilectorum filiorum principum, nobilium et baronum regni Vngarie perhibentium de te laudabile testimonium, quod poteras dictam ecclesiam propter tuam et nobilium consanguineorum tuorum potentiam ab oppressionibus defensare, plenius informatus postulationem huiusmodi sibi presentatam (V: presentatum) admisit teque auctoritate apostolica prefecit eidem ecclesie in episcopum et pastorem tibique fecit per dictum metropolitanum munus consecrationis impendi defectu predicto aliquatenus non obstante, super quo tecum auctoritate apostolica dispensavit — prout in litteris predecessoris eiusdem inde confectis plenius dicitur contineri — tuque post huius tuam postulationem admissam bonorum eiusdem ecclesie administrationem recipiens in spiritualibus et temporalibus administrasti libere in eadem. Postmodum vero ab aliquibus tibi referentibus in occulto tua discretio intellexit, quod de coniugato et muliere soluta extiteras procreatus, licet autem super hoc nulla publica labores infamia nec sit inde contra te scandalum aliquod subsecutum nec etiam certificari possis, an relationem huiusmodi veritas comfmjitftjetur, cum parentes tui viam fuerint universe carnis ingressi, habens tamen ex hoc aliqualem hesitationem in animo, donec super hec tibi per gratiam sedis apostolice consulatur, nobis humiliter supplicasti, ut ad omnem scrupulum de tua conscientia removendum providere tibi super premissis paterna diligentia curaremus.
