Nagy Imre: Anjoukori okmánytár. Codex diplomaticus Hungaricus Andegavensis. IV. (1340–1346) (Budapest, 1884.)

Dávid arehidiaconum de Zabouch socios et concanonicos nostros transmisimus pro testimoniis ad premissa mandata vestra exequenda; qui quidem homines vestri et nostra testimonia ad nos reversi nobis concorditer retulerunt isto modo, quod ipsi feria sexta proxima post quindenas sancti Michaelis archangeli iam preteritas accessissent ad faciem pessessionis Olasci prenotate et eandem prius per suas veras metas et antiquas ac loca seu distincciones infra declarandas per quas decime eiusdem domini nostri episcopi a decimis dicti plebani de Patak separantur, presentibus . . iudicibus iuratis et pluribus hospitibus viris de eadem Patak ac Banatho fratre predicti plebani similiter de eadem Patak reambulassent, et visa qualitate ac quantitate eiusdem, utpote terris arabilibus, pratis silvis íluviis intra limites ipsius existentibus, ac eciam computatis collectis in eadem exigi consvetis, diligenti eciam consideracione prehabita et mature secum super hoc tractantes, quoad lucri estimacionem pretaxate possessionis Olazy hoc fore reperissentj quod si tributum dicti montis Hozyuheg vocati a plaga meridionali inter limites decimacionis eiusdem domini nostri episcopi remanentis super quo plures vinee et segetes haberentur, per possessores seu possessorem ipsius possessionis Olazy plene et integre ac sine aliqua alteraciorie exigi possent et valerent, extunc omnes utilitates sepedicte possessionis Olazy quocunque nomine vocitate, simul cum tributo prenominati montis ex vineis et frugibus provenire debenti singulis annis in toto ad trecentas marcas se extendere possent, et eedem trecente marce commodose exigi valerent de eadem per possessores seu possessorem eiusdem supradictos; cursus autem limitum seu distinccionum, per quas decime memorati domini nostri episcopi de decimis iamdicti plebani de Patak ut premissum est separarentur, prout ipsi ab omnibus a quibus licuisset et decuisset et specialiter a dictis hospitibus viris de Patak diligenti investigacione mediante rescire potuissent, hi essent et fuissent ab antiquo: quod primo egrederetur de fluvio Bugrug a plaga orientali et in quodam rivulo seu alveo in illis partibus Gralychpata vocato versus plagam septemtrionalem currendo veniret ad íinem quarumdam terrarum arabilium subtus dictum montem existeneium et similiter inter limites decimacionis preno-