Nagy Imre: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. VI. (Budapest, 1894.)
ipsorum mitterent hominem pro testimonio fidedignum, quo presente homo noster infradeclarandus, seita premissorum mera veritate, ad prefatum Nicolaum accedendo, diceret eidem et committeret verbo nostro, ut ipse dictam medietatem castri et possessionum ac aliorum iurium ipsum Ladislaum concernencium, eidem remittere deberet et resignare, qui si facérét bene quidem, alioquin evocaret prefatum Nicolaum filium Stephani contra memoratum magistrum Ladislaum in specialem nostram presenciam ad terminum competentem, racionem de premissis redditurum. Et post hec ipsarum inquisicionis, ammonicionis et evocacionis seriem, si necesse foret cum nomine evocati et termino assignato, eidem nostre speciali fideliter rescriberet maiestati conventus Saxardiensis prenotatus. Ipse igitur conventus mandatis nostris obedire cupiens ut tenetur, unacum Benedicto de Keer homine nostro, fratrem Georgium sacerdotem unum ex dicto conventu ad premissa exequenda ipsius pro testimonio duxissent destinandum, tandem iidem ad ipsum conventum reversi, eidem uniformiter retulissent, quod idem homo noster dicto testimonio ipsius conventus presente, in dominica Judica tunc preterita in comitatu Tolnensi simul procedendo, ab omnibus quibus decuisset nobilibus et ignobilibus, de premissis diligenter inquirendo,talem scivissent veritatem, quod omnia premissa et quevis premissorum singula suo modo facta se haberent, secundum quod nostre dictum extitisset maiestati; scitaque huiusmodi veritate, eodem die ad prefatum Nicolaum accedendo, dixisset (így) eidem et commisisset verbo nostre maiestatis, ut ipse dictam medietatem castri et possessionum ac aliorum iurium ipsum magistrum Ladislaum concernencium, idem (így) remittere deberet et resignare, sed idem Nicolaus illud facere recusasset, propter quod eundem eodem die in facie dicte possessionis Mare contra predictum magistrum Ladislaum ad octavas festi Pasche domini in anno domini M m o OCCC m o septimo preteritas, nostram specialem in presenciam evocasset racionem de premissis redditurum. Ad quas quidem octavas festi beati Georgii martyris prefatus Nicolaus de Mare per annotatum procuratorem dicti actoris congruis diebus ipsarum octavarum coram nobis exspectatus, nostram specialem in presenciam non venerat neque miserat, se mediantibus aliis literis nostris iudicialibus exinde confectis, in iudiciis aggravari permittendo ; postulans prefatus procurator annotati magistri Ladislai /
