Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

Demetrium Johannis, qui se gerebat pro clerico Colocensis diocesis, super canonicatu et prebenda dicte ecclesie, quos . . . idem Johannes vigore quarumdam litterarum apostolicarum . . . infra tempus legitimum acceptaverat, et de quibus sibi fecerat provideri canonice, et quas prefatus Demetrius occupaverat ac detinuerat et detinebat indebite occupatos, fructus percipiens ex eisdem, mota et in Palatio apostolico . . . diutius ventillata, duas pro se et contra dictum Demetrium, per quos inter cetera iidem canonicatus et prebenda Johanni adiudicati et super eis Demetrio prefatis perpetuum silentium impositum ipseque Demetrius in fructibus per eum ex dictis canonicatu et prebenda perceptis condemnatus extiterat, diffinitivas sententias reportarat et super executione huiusmodi sententiarum, quarum ultima, nulla provocatione suspensa, in rem transiverat iudicatam, ac restitutione fructuum huiusmodi nostras ad vos sub certa forma litteras impetrarat, quodque dicto Demetrio vita functo Ladislaus Benedicti de Ramas, qui se gerit pro clerico Waradiensis diocesis, se in dictis canonicatu et prebenda intruserat, prefatusque Johannes dubitabat, ne etiam aliqui alii in dictis canonicatu et prebenda tunc se intrusissent, vei imposterum intruderent, Nos vobis aliis nostris dedimus litteris in mandatis, ut ad executionem huiusmodi sententiarum, quoad possessionem dumtaxat ipsorum canonicatus et prebende eidem Johanni tradendam, perinde etiam contra intrusos et intrudendos huiusmodi auctoritate nostra procederetis, acsi sententie ipse contra eos late fuissent, prout in dictis litteris plenius continetur. Et deinde, . . . cum ipse Johannes vigore sententiarum et litterarum huiusmodi ac processuum habitorum per easdem canonicatum et prebendam predictos assecutus fuisset canonice, prefatus Ladislaus Benedicti pretendens, licet falso, se per dictum Johannem eisdem canonicatu et prebenda et eorum possessione contra iustitiam fore spoliatum, ortaque propterea inter Johannem et Ladislaum Benedicti prefatos super dictis canonicatu et prebenda matéria questionis, Nos causam huiusmodi non obstante, quod de sui natura ad Romanam Curiam legitime devoluta et apud eam tractanda et finienda non esset, ad instantiam dicti Ladislai Benedicti dilecto filio magistro Nicolao Rixton primo et deinde, postquam idem Nicolaus auditor ad nonnullos citationis actus in causa huiusmodi processerat ex certis causis dilecto filio magistro Nicolao Vordis, capellanis nostris et causarum dicti Palatii auditoribus, audiendam commisimus et fine debito terminandam idemque Nicolaus Vordis auditor ad nonnullos actus citra tamen conclusionem in causa huiusmodi inter partes easdem dicitur processisse. Cum