Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

legitime constabat, ad dandum et recipiendum libellum . . . citari fecit ad certos terminos peremptorios, competentes, in quibus dictus Nicolaus Lubich coram eodem Episcopo ... in iudicio comparens predicti Arnoldi non comparentis contumaciam accusavit et in eius contumaciam quendam dedit libellum et predictum in ipsius Episcopi tunc auditoris presentia prestitit iuramentum . .. et deinde Nicolao Lubich et Arnoldo prefatis coram eodem Episcopo tunc auditore in iudicio comparentibus traditisque per quemlibet eorum nonnullis positionibus et articulis et contra eosdem positiones et articulos quibusdam exceptionibus hinc inde datis productisque per eos nonnullis litteris apostolicis, instrumentis publicis aliisque iuribus et munimentis, quibus partes ipse in huiusmodi causa uti voluerunt, et contra eadem producta quibusdam exceptionibus utrimque datis in certis terminis eis ad hoc per dictum Episcopum tunc auditorem successive et peremptorie assignatis, et successive, cum lite huiusmodi sic indecisa pendente, prefatus Thomas archidiaconatum predicte ecclesie, qui curatus est, tunc vacantem, auctoritate apostolica sibi collatum, fuisset pacifice assecutus et propterea ius sibi in dicto lectoratu seu ad eum quomodolibet competens vacasset et vacaret, tunc nos prefato Episcopo, . . . dedimus in mandatis, ut eundem Paulum ... in iure et ad ius huiusmodi auctoritate nostra surrogaret. Et licet lectoratus ipse dicto Paulo vigore gratie et mandati huiusmodi deberetur, tamen predictus Nicolaus Thome, falso asserens lectoratum ipsum ad se spectare, ac gratie et mandato huiusmodi contra iustitiam se opponens, impedivit, prout impedit ac fecit et facit, quominus gratia et mandatam predicta debitum sortita fuerint et sortiantur effectum, dictumque lectoratum occupavit et detinuit, prout detinet indebite occupatum fructus percipiens ex eodem et alias eundem Paulum super dicto lectoratu et eius occasione multipliciter molestavit. Tandem vero dilectus filius magister Johannes Grimani(?) procurator dicti Pauli coram eodem Episcopo ... in iudicio comparens nonnullos positiones et articulos, quandam petitionem summariam in eorum fine continentes, ac nonnullas litteras apostolicas, instrumenta publica aliaque iura et munimenta, quibus pro parte sua in huiusmodi causa uti voluit, produxit et successive prefatus Arnoldus coram eodem Episcopo tunc auditore in iudicio comparens nonnullas exceptiones pro parte sua in huiusmodi causa contra huiusmodi producta dedit in certo termino ad hoc prefixo, deinde vero Johanne et Arnoldo prefatis coram eodem Episcopo tunc auditore in iudicio comparentibus ipsoque Johanne in huiusmodi causa concludi petente, memoratus Epis-