Bullae Bonicacii IX. P. M. IX. Bonifác pápa bullái. 1389–1396. (Budapest, 1889. Mon. Vat. Hun. I/3.)

Tempore hoc ccepit consuetudo invalescere titulum Capellanorum pontiíiciorum viris ecclesiasticis tam saecularibus, quam religiosis, scientia praecellentibus, conferendi. Primis septem annis regiminis Bonifacii IX. sequentes viri ecclesiastici ex Hungaria hoc honore insigniti sunt: Magister Eberhardus, Praepositus Cibiniensis, magister Georgius, archidiaconus Bácsiensis, Laurentius de Terebes, canonicus Varadiensis, magister Nicolaus, canonicus Jauriensis, Thomas scholasticus Albaregalensis, magister Joannes ac Benedictus canonici Zagrabienses, Stephanus de Korpona, rector capelke, Joannes praepositus de Jászó, Dominicus praepositus de Lelesz, magister Gregorius, canonicus Bosnensis, Paulus, praepositus de Dienesmonostora, Thomas, ordinis Praemonstratensis, Andreas, ordinis s. Augustini, Nicolaus, ordinis s. Francisci, religiosi. Ad altiorem dignitatem evecti sunt: Benedictus de Quinqueecclesiis, qui episcopatum Sydoniensem (in partibus infidelium) et Paulus, Abbas de Somogyvár, qui episcopatum Jaroslavensem assecuti sunt. Ad categoriam gratiarum referuntur: facultates ecclesiasticis ad condenda testamenta, ecclesiasticis ac laicis ad confessorem sibi eligendum, mulieribus praecellentis prosapiae ad invisenda claustra virginum datae ; collatio privilegii immunitatis a decimis ac tributis monasteriis monialium ordinis s. Dominici donata; dispensationes ab obligatione residentiae, quarum ecclesiastici in regalibus vei pontificiis servitiis constituti, prout et studio vacantes, participes fiebant; dispensationes ab impedimentis matrimonii et a votis. Inter posteriores praecipue memória digna est illa Nicolai de Kanizsa, fratris Joannis archiepiscopi. Hic demortua príma uxore, votum nuncupavit ulterius non contrahendi matrimonium. Bona sua in pias fundationes ecclesiasticas convertit. Inter caetera ipse fundavit claustrum ordinis s. Pauli I. Eremitae de Örményes. Animadvertens serius stirpem suam sensim defecisse, ad hanc sustentandam secundas nuptias inire optavit. Pontifex prompto animo illi votum relaxavit. Et re quidem vera eius filii sustentarunt, per integrum dimidiumve saeculum, familiam hanc magni nominis.

1 Joannem de Kanizsa archiepiscopum autem non una vice honoribus magnis attollit. Primum qutdem, quamdiu sedi Strigoniensi eum praesidere contingerit, in dioecesi archiepiscopali Strigoniensi, illi potestatem et iura Primatis et Apostolicae Sedis Legati nati donavit; mox hanc potestatem 1 Nagy Iván. Magyarország családai. VI. 65.