Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

240 IjOí?. 8. JAN.-). JUL. natione, — dixit, quod de Buda. Interrogatus, ubi magis continue habitavit, — dixit, quod in Buda, et in studio Padue. Johannes prepositus de Ku, canonicus Colocensis, testis, interrogatus super primo articulo, qui incipit: Intendit probare etc. lecto sibi diligenter, — dixit, quod nunquam occurrit de íacto ipsi testi talis casus, sed credit, quod littere baronum aliquo modo facte iidem faciant etiam in foro ecclesiastico, et aliter nescit. Item interrogatus super II. et III. articulis, — dixit, se nescire aliter, nisi ut proxime dixit. Item interrogatus super IIII. articulo, qui incipit: Item quod idem et eodem modo etc. lectis sibi ipso articulo et litteris, de quibus mentionem facit, — dixit, quod nunquam vidit in partibus istis, litteras tales valere, nec audivit, sed credit, quod valeant inter eos, qui litteras ipsas conficiunt, secundum consuetudinem forte civitatis ipsorum. Item interrogatus super V. articulo, •— dixit, se nichil scire. Item interrogatus super VI. articulo, sibi lecto diligenter, lectis etiam sibi litteris, de quibus mentionem facit, — dixit, quod credit, quod si ipse littere sint sigillis autenticis sigillate, debeat eis fides adhiberi; sed si observatum sit hoc vei non, dixit se nescire eo, quod ipsi testi nunquam occurrit similis casus. Item interrogatus super omnibus aliis articulis, sibi lectis seriatim et distincte, — dixit, se nichil inde scire aliud, nisi quod audivit dici, quod communiter in illis partibus viguit pax longo tempore, licet plerunque inter incolas illarum fuerint contemptiones exorte, et audivit dici, quod inter Siculos et Saxones aliquantulum guerra noviter sit exorta. Stephanus prepositus Vesprimiensis testis, interrogatus super primo articulo, qui incipit: In primis, quod a quinquaginta annis etc., — dixit, se hoc tantum inde scire, quod a tempore, quo ipse testis recordatur, obtentum est et servatum de consuetudine in dicto regno, quod littere baronum, sigillate sigillis autenticis ipsorum, faciunt fidem in foro ecclesiastico, in civilibus tantum. Interrogatus, quomodo scit, — dixit, quia vidit et audivit. Interrogatus, per quos obtentum est et servatum, et in quorum iudicio, et inter quas personas, — dixit, quod licet in multis et diversis iudiciis talibus fuerit, non tamen recordatur, per quos, vei in quorum iudicio, vei inter quas personas. Interrogatus, de quibus questionibus, — dixit, se non recordari. Dixit etiam, quod aliquando coram ipso teste, iudice et auditore ad aliquas causas, obtentum est et servatum, quod in dicto articulo continetur. Interrogatus, quot annorum est ipse