Thallóczy Lajos–Áldásy Antal: Magyarország és Szerbia közti összeköttetések oklevéltára 1198-1526. (Budapest, 1907. Magyarország melléktartományainak oklevéltára. Codex diplomaticus partium regno Hungariae adnexarum 2.)
nis effusionem, pro nostri honoris glória et nominis exaltatione patienter pertulerunt. Tandem etiam non post multorum dierum spatia, antelato comite Johanne nostro rebelle, ipsa infidelitatis nota oftüscato ab hac luce decedente, omnia et quevis premissa castra et fortalitia regno nostro in pretacto per ipsum ut pretangitur usurpata, de manibus nobilis domine relicte ac filii ipsius condam Johannis comitis ipse Mathkó banus per suam sagacem cooperationem recuperando, manibus nostris reappropriavit. Habita igitur et peracta premissa particulari servitiorum sepetacti Mathkonis bani narratione, nunc ad quedam laudabilia fidelis nostri sincere dilecti magnifici Frankonis de pretacta Talloucz, bani nostri Zewriniensis, fratris scilicet carnalis eiusdem in aliqua parte cum in nostra ad presens in toto recordativa non existant potentia explicanda obsequia, divertamur. Inprimis siquidem idem Franko banus sicuti sanguinis copula sic non minus morum et strennuitatis imitatione dicti Mathkonis bani fratris a sue adolescentie primitive temporibus maiestati nostre fideliter serviendo, dum nuper eundem Frankonem banum unacum magnificis Johanne filio wayvode de Marczaly, magistro curie nostre maiestatis et altero Johanne dicto Orzaag de Gwth, quibus tunc nonnullos milites et familiares nostros, necnon exercitum nostrum regium adiungendo, eosdemque sumpmos ipsius nostri exercitus capitaneos preficiendo, ad comburrendum et anichilandum quoddam castrum Crusowcz vocatum in regno Rascie erga manus sevissimorum Turcorum habitum, necnon certas galeas seu naves ipsorum Turcorum in fluvio Morwa vocato a pluribus retrofluxis temporibus per eosdem fabricatas, in et ex quibus iidem Turci regno et regnicolis nostris presertim in partibus inferioribus constitutis multiplicia dampna et nocumentorum genera inferre potuissent atque voluissent, transmisissemus, tunc ipse Franko banus cum decenti gentium suarum comitiva pariter cum eisdem capitaneis, quorum ipse Franko banus unus extitit, ac ceteris baronibus, militibus quoque et clientibus nostris insurgendo, in ipsorumque celeriori per fluvium Danubii transvadatione curam et sollicitudinem ferendo stúdiósam, unum ornatum suum
