Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

nisi verba dare et sub spe induciarum in dies magis magisque ditionem ac regnum nostrum arcium oppugnationibus et similibus, non sine caede et sanguinis fidelium nostrorum profusione vastare et suae tyrannidi subjicere, non potuimus oíficio nostro deesse, quin fidelium subditorum nostrorum saluti et permansioni consuleremus hostisque effrenati in nostros saeviendi libidinem opportuno remedio adhibito divina ope freti arceremus, et propterea serenissimum principem Ferdinandum archiducem Austriae etc., filium nostrum carissimum cum copiis et gentibus exterarum nationum et indigenarum, etiam equitibus videlicet gravis et levis armaturae et peditibus iusto exercitu eo expedivimus proposito, quo iam tandem divina benignitate a tyrannide thurcica tibi et aliis fidelibus nostris liceat respirare periculumque a te et tuis arceatur ac propellatur. Quam ob rem cum nostra ex parte nihil eorum, quae in tuam salutem et defensionem faciunt, negligi aut omitti, nec etiam filii nostri personae nos parcere videas, inprimis curare debebis, ne tu ipse saluti ac permansioni tuae defuisse videaris, ita ut constanter declares, te pro dulcis patriae tuae 'libertate quaevis etiam difficilia subire paratum esse, idcirco fidelitati tuae harum serie firmissime committimus et mandamus, ut statim acceptis praesentibus iuxta publicam in diaeta proxima Posoniensi constitutionem et decretum insurgere, teque meliori quo poteris apparatu bellico et militari instruere et ad praedictum serenissimum principem Ferdinandum archidu[cem] Austriae etc, filium nostrum catissimum eo, ubi suam serenitatem esse intellexeris, personaliter sine mora [cum ge]ntibus tuis, quas ratione colonorum et bonorum tuorum iuxta praedictam constitutionem intertenere debes, sine [mora et] exceptione proficisci debeas et tenearis. Ne autem confinia istius regni nostri omnino [vacua perma]neant, de singulis quinque colonis unum peditem iuxta publicam constitutionem vestra[m bene arm]atum isthic intertenere debeatis, ut eo quo opus fuerit ad confinia, dum per banum v[el generales capita]neos nostros requisitus fueris, expedire possis, secus igitur sub poena in generáli dec[reto edicta, si] et in quantum salus et