Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

CCLIX. Bécs, 1552. sept. 8. Ferdinánd megparancsolja Zrínyi Miklós horvát bánnak, hogy a Bakszics Antaltól özvegy Blagay Istvánné által elfoglaltatott javak visszaadására vonatkozó saját ítéletét hajtassa végre. Ferdinandus divina favente clementia romanorum, Ungariae, Boemiae etc. rex, semper augustus, infans Hispaniarum, archidux Austriae etc. fideli nostro spectabili et magnifico Nicolao comiti Zriniensi regnorum nostrorum Dalmatiae, Croatiae et Sclavoniae bano salutem et gratiam. Expositum est maiestate nostrae in persona fidelis nostri egregii Anthonii Baxyth, quomodo annis superioribus generosa et magnifica domina Dorothea Zlwny magnifici quondam Stephani Ursini comitis de Blagay relicta universa bona ipsius exponentis indebite confiscari fecisset, super quo facto per te certosque nobiles regnicolas nostro iussu iudicio deliberasses et sententiam tulisses, ut ipsa domina eidem exponenti omnia bona sua confiscata reddere deberet, sententiam tamen ipsam iuridice cum praefatis nobilibus latam debitae executioni nondum demandasses, magnó praedicti exponentis damno et iniuria, supplicatum itaque est nobis pro parte eiusdem humiliter, ut ei in hac re penes iustitiam gratiose providere dignaremur. Cum autem frustra censeantur fieri iudicia, nisi iuridica iudicum deliberatio et sententia debitae executioni demandetur, supplicatione praenominati exponentis exaudita, fidelitati tuae harum serie firmissime committimus et mandamus, quatinus acceptis praesentibus et praemissis sic ut praefertur stantibus et se habentibus, praescriptam tuam dictorumque nobilium iudiciariam deliberationem et sententiam modo praemisso inter partes ut dicitur latam, nisi aliquod legitimum obsistat impedimentum, debitae executioni demandare debeas et tenearis, secus non facturus; praesentibus perlectis exhibenti restitutis. Dátum Viennae, octava