Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)
scopus ipsam possessionem Haroztoicha, quam contra consuetudinem regni Sclavonie possidere indebite titulo emptionis videbatur, maximé cum tempore Bele regis Hungarie felicis memorie universi nobiles regni Sclavonie literas eiusdem obtinuerunt, ut ecclesia nullás possessiones nobilium sive emptionis sive pignoris titulo valeat usurpare, eoque etiam eadem possessio Haroztoicha ipsum Radozlaum banum iure suorum proximorum Endre et Mark venditorum scilicet eiusdem possessio contingere videbatur, sepe dicto Radozlao bano, prout condigne foret estimata, idem dominus noster episcopus restitueret et reassignaret eidem possidendam. Ad cuius itaque possessionis Haroztoicha estimationem comes Isyp et Thomas de Blyna per Radozlaum banum, comes Andreas et comes Symouka per dominum nostrum episcopum nominati et assumpti ad faciem dicte terre decreverunt, quod sepe fatus Radozlaus banus domino nostro episcopo sepe dicto pro eadem possessione refunderet et persolveret ducentas et triginta marcas, iuxta quorum estimationem dominus noster episcopus Iohannes sepe fatus receptis ab eodem Radozlao bano ducentis et triginta marcis integre, singulas cum quinque pensis, eandem possessionem cum omnibus utilitatibus et pertinentiis eiusdem sub metis et terminis infra scriptis idem dominus noster episcopus reddidit et restituit de bona et de ultronea voluntate dicto Radozlao bano et per eum suis heredibus perpetuo et irrevocabiliter possidendam et habendam, renunciando omni üti, iuri et actioni inposterum contra ipsum Radozlaum banum suscitandis in bac parte, et ad maiorem rei evidentiam instrumenta seu privilegia Bele et Stephani inclytorum regum Hungarie, que super eadem possessione confecta dictus dominus noster episcopus habebat, restituit eidem Radozlao bano. Preterea cum sepe dictus R(adozlaus) banus repeteret literas, quibus mediantibus Philippus quondam episcopus Zagrabiensis ipsam possessionem Haroztoicha comparaverat, sepe fatus dominus noster episcopus et nos eo, quod copiam ipsarum literarum ab antiquo neque nos habuissemus, quia amissé casualiter fuerunt, assecuravimus ipsum Radozlaum banum tam dicti domini nostri episcopi quam nostro iuramento, quod easdem literas nulla ,
