Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

clarescere per hec scripta volumus laudabilem constantiam fidelitatis ac strenua multifaria servitiorum obsequia fidelium nostrorum dilectorum Baboneg et Stephani comitum de Wodicha, filiorum condam comitis Stephani de Gorichia, quos verilocax preconii fama et veritatis experientia de originali domo et stirpe generosa Ursinorum, Romane urbis senatorum propagatos testatur, nam inter cetera eorum laudabilia servitia, que presentibus styli officio tediosum esset denotare, sed memorialiter nostro cordi existunt inculcata, cum nos divino monitu versus terram sanctam sepulchri nostri salvatoris ad defendendum in bracchio potenti salubri cum prosperitate profecti fuissemus, idem comes Stephanus fráter dicti Baboneg non monitu nostro angariatus, quin imo clare fidelitatis voto instinctus ad nostrum decus cum suis et eiusdem fratris sui proximis, familiaribusque notabilibus, satis honesto cetu et congruo, armis condecenter fulcito, equitibus ducentis et quinquaginta pecuniarum ipsorum propriarum in expensis per iter continuum nostro felici in aditu et reditu nobiscum procedere, diuturna quoque et nocturna temporibus nostri in custodia persistere, gravesque labores sufferre cum totali quippe animi sui fervore clareque sollicitudinis et eximia fidelitatis puritate nobis adesse atque ministrare non dubitavit, ob quorum itaque experte fidelitatis constantiam et servitiorum prescriptorum merita, considerantes etiam ipsos de predicta nobili Ursinorum prosapia propagatos fore, Baboneg et Stephanum fratres predictos, ipsorumque heredes ac successores universos in prefato eorum dominio Wodicha, quod pie memorie condam Henricus rex noster predecessor de commissione condam domini regis Bele, patris sui dicto condam comiti Stephano de Goricha et suis heredibus pro fidelibus servitiorum suorum meritis, ut ex tenore ipsius Henrid regis literarum collegimus, in perpetuum dedisse testatur, quodque dominium nos eis nove nostre donationis nomine denuo ad humilimam ipsorum supplicationem, universis etiam heredibus et successoribus eorum perhemniter dantes atque donantes confirmamus, nec non insuper et in ceteris possessionibus quibusvis per ipsos vei eorum heredes et posteritates acquisitis atque acquirendis equo et iusto more, auctoritate plena