Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

ac potestate nostra regia solium regale consedentes, prelatis atque baronibus et proceribus erga nos existentibus, ipsis annuentibus ac eorum de maturo consilio facimus atque creamus, fecimusque et creavimus tituli veri, illibati et eximii comites liberos taliter et adeo, eoque modo, ut ipsi in perpetuum rato ordinationis et institutionis, ac creationis nostre prenotate vigore mediante possint atque valeant liberaliter uti, frui atque solempniter gaudere singulis atque universis ritibus, immunitatibus generosaque conditionis proceritate, nec non quarumvis libertatum maiorum et minorum, generalium et precipuarum eximiarumque prerogativis atque gratiis, quibus precipue ceteri quipiam veri, eximiique ac liberi comites regni nostri aut in aliis quibuscunque regionibus constituti uti atque gaudere dinoscuntur; presertimque insuper etiam eisdem Baboneg ac Stephano et cunctis ipsorum heredibus hanc de plenitudine regalis clementie gratiam perpetue duximus largiendam, ut a iudicio et iurisdictione ducis Sclavonie atque bani et quorumvis aliorum iudicum regni nostri et iustitiariorum preter solummodo regia(m) maiestate(m) prorsus exemti et segregati habeantur, nec eosdem iudicio suo astare, preterea ut nec ipsi dux vei banus, nec etiam officiales quipiam nostri vei ipsorum collectas mardurinales, quas ipsis in resartionem et recompensam prefatarum eorum pecuniarum ad honorem nostrum expositarum perpetue damus, in dicto comitatu ipsorum et dominio taxare, exigique et recipi debeant neque possint quoquomodo; ceterum etenim, quod iidem dux seu banus aut ceteri quipiam regni nostri prelati, barones et iustitiarii, ne per eosdem huiusmodi libertatum prerogativa per nos eis gratiose in evum facta videantur in aliquo earum casu eis preiudicium generari, in eisdem comitatu, dominio et possessionibus dictorum Baboneg et Stephani et heredum ipsorum descendere ac in eisdem generale(m) congregationem celebrare ullo temporis futuri in processu quoquomodo debeant, nec presumant. Que singula per vos ducem ac banum Sclavonie ac prelatos et barones, nec non officiales regios atque vestros quoslibet pro tempore habituros edicto firmo regii mandati precipiendo mandamus inviolabiliter obsequere, custodire atque observari facere in perpetuum. Ut igitur prescripti