Házi Jenő: Sopron szabad királyi város története. I. rész, 7. kötet, Oklevelek, levelek és iratok 1521-től 1531-ig. (Sopron, 1929.)
Tartalomjegyzék - 246.
1528. Sopron, máj. 5. A soproni tanács az altárnokmestért és a hat sz. kir. város ülnökeit kéri, hogy Nagyszombat városával szemben ítéljék meg Sopron város régi helyét a tárnoki székben, amely Pozsony után és Nagyszombat előtt volt mindig, egyúttal közlik, hogy a soproni vegyes bizottság előtt az árulerakó fogukat megtámadták, úgyszintén jogtalan birtokjogi kereseteket indítottak ellenük, melyekre nézve kérik tanácsukat, hogy mihez tartsák magukat. Edel, ersam, fursichtig vnd hochweis, besunder lieb herren vnd guet freundt euch sein vnnser geflissen ganntz vngesparte dinst zuuoran. Demnach wir vor ettlich verschinnen jaren vnnsers rechtlichen sitz vnd stelle des tharnigkhrechtens, so vnnsere vorelltern, auch wir bey vnd neben euch mit eeren, gutem glauben, rechtem hergebrachtem titl besessen, inngehabt, durch die von Tyrna in vnnserer vorfordern abwesen spolirt oder enntsetzt vnd on recht daruon sein gedrungen worden, wie eur vesst vnd hochweishait on zweifl allen kunt vnd wissen ist, haben wir mit stätem, embsigen ruegen, alsofft das tharnigkhrecht besetzt gewest, vmb recht angerueffen nit sitzen wellen, auf das wir nit gesehen wurden styllsweigennd denen von Tyrna ichtes zuuerwilligen. Aber amb jüngsten gehallten tärnigkrecht des verganngen XXIIII jars vngeuarlich warde vnns vnd denen von Tyrna von e(ur) vesst vnd hochweishait diser abschid geben, das ir im nachstkunfftigen tharnigkhrecht, so gehallten werden sulle, berurtz eerensitz halben zwischen vnnser baider obgemellter freystett enntlich hanndien wollten. Desselben e(ur) v(esst) vnd hochweishait genadigen zuesagen vnd recess wir euch hiemit verinnert vnd diemuetigs fleisse wellen gebethen haben, dieweil euch den merern tail offenbar vnd vnuerporgen ist, das sich genante von Tyrna in vnnserm abwesen zu Zeiten der österreichischen khriegsleuff, da vnnser vorfordern vnd wir von wegen ku(nighliche)r m(aiesta)t hochlöblicher gedachtnus geschafft, auch gemainer stat sachen halben in ettlichen gehallten darnigkhrechten nit gesessen noch erscheinen mögen, an vnnser gewondliche stat gesetzt, die nachmaln, wiewol mit kainem rechten, titel noch glauben, so zu ainer jeden ersitzung gehören, sunder wider recht vnd alle pillichait mit gwallt inngehabt, vnns desselben 20*
