Házi Jenő: Sopron szabad királyi város története. I. rész, 7. kötet, Oklevelek, levelek és iratok 1521-től 1531-ig. (Sopron, 1929.)
Tartalomjegyzék - 246.
spolirt vnd priuirt vnd dieweil sy mit gwallt vnd nit mit recht besessen, haben sy nichts ersessen, mögen sich auch hierinnen wider vnns kainer rechtlichen prescription gebrauchen. Wie dann eur gunst vnd hohem verstanndt die recht vnuerporgen, so lautter anzaigen, qui non iure possidet, nihil prescribit. 1 So nun die recht allenthalben vermögen vnd wellen, das die spolirten oder mit gwallt entsetzten immediate sollen restituirt werden, haben wir gegenburtige baid vnnser ratzfreundt vnnd burger mit vnnserm volmächtigem gwallt abgefertigt auf eur vest vnd hochweishait obgemellten gegebnen recess gedachtz eerensitz halben wider die von Tyrna vor eur zuuerfarem wie recht ist. Bitten darauf e(ur) v(esst) vnd hochweishait, vnnser gebietennd gunstig herren, die wellen vnns, als die spolirten widerumb restituiren vnd die von Tyrna mit ewerm rechtlichen spruch an irn allten vnd vorigen sitz vnd stat, den sy nach vnns gehabt, zu weisen, sy auch zu abtrag vnnserer erliten costen vnd schaden zu condemniren, wie recht ist, wann euch allen kunt vnd warlich wissen ist, das Odennburg dem sitz nachzuraitten, den wir in Ordnung vor den von Tyrna gehabt vnd noch zu haben verhoffen, die elfter freistat ist, des wir vnns in e(ur) v(esst) vnd gunst al miteinannder vnd die allten tarnigkhbuecher, darinn wir sitzhalben vor denen von Tyrna geschriben steen, referirt vnd gezogen haben wellen. Möchten auch solches mit mer gleublichem anzaigen beweisen, aber wir hoffen, e(ur) v(esst) vnd hochweishait guet wissen vnd frisch, lebenndigs ingedenngkhen sambt den alten puechern sein höher zu achten, haben auch im rechten mer crafft vnd wurkhung weder die todten, vnmündigen brief vnd puechstaben, wie dann inn rechten gegründet vnd fein durch den iurisconsultum digestis de fide instrumentorum lege prima et infra beschriben ist, also lauttend : instrumentorum nomine ea omnia accipienda sunt, quibus causa instrui potest et ideo tam testimonia, quam persone instrumentorum loco habentur. 2 Wann die sach an irselbs lautter, klar vnd ganntz offenwar am tag, bedorff kainer beweisung, versehen vns auch gäntzlich die von Tyrna werden weder mit briefen oder andern, wie zumb rechten genueg ist, wider solch offenwar sachen vnd ditz vnnser anzaigen noch ewer grundtlich wissen vnd der alten tarnigkpuecher innhallt mögen furbringen. Wellen vnns also 1 oldaljegyzet: digesta, de regulis iuris. 2 oldaljegyzet: imperátor: digesta, de fide instrumentorum.
