Házi Jenő: Sopron szabad királyi város története. I. rész, 2. kötet, Oklevelek és levelek 1407-től 1429-ig. (Sopron, 1923.)

Tartalomjegyzék - 265.

zw Kirchperg eeliche hawsfraw, bekhen für mich vnd all mein erben vnd thuen khundtt offenlich mit dem brieff allen, den er fürkhümbt, das ich wolbedachtlichen mit guetten willen zw der zeytt, da ich das an manigklichs widersprechen wolgethuen möcht, rechtt und redlichen abttretten vnd vbergeben hab zw ainer ewigen statten vnd vnwiderriefflichen vbergab von besunder lieb, trew vnd frewndttschafftt willenn den edln, vesten, meinen lieben ayden Hansen Pirchenperger seiner hawsfrawn Kathrein, meiner lieben tochter, vnd allen iren baiden eelichen leibs erben die hernach geschriben stukh gültt vnd guetter mit iren zwgehörüngen, die mir dan von meinen lieben enn, auch den genanten meinen liebn vattern vnd meinen brüederen, Cristofen Khirchknoph saling, erblichen zuegefallen vnd anerstorben sein. Item von erst zwen hoff bey Klam gelegen, genant auff dem Praittenstain in Schadwiener pharr. Item mer ain hoff in der Fröschnitz, gelegen in Spitaler phar. Item ain hoff vntter dem Holtz, gelegen in Kirchperger pharr. Item zwo hofstett daselbs zw Kirchperg. Item mer zwo hofstett am pfaffen genant. Item vier hofstett im Trattenpach gelegen und in der Kirchperger phar, Die yetztt gemeltten stuk gülltt vnd guetter sein allew lehen von vnseren allergenedigisten herren den Romischen kayser etc. vnd seiner genaden erben. Item mer ain halbn hoff genant der Wedlhoff. Item ein guett im Erlach, das weylent Hansel der Schmid ingehabtt vnd gehörtt in den Wedlhoff. Item ain hoff, dem weylent Mertt Piffner ingehabtt. Item ain hofstat in den Kharlgraben gelegen in Fewstritzer phar, die weylent Steffan Zannd ingehabtt hatt. Dye yetz gemeltten stuk vnd guetter sein emalen von der herschafftt Fewstritz ze lehen gewesenn. Item ainen hoff pey der Molg gelegen vnd ain hamer daselbs. Item ain hofstat daselbenn. Item mer ain hofstat zw Ramligraben gelegen. Item mer ain hofstat daselben. Item mer ain hofstat auff den Puhell. Item ain müll unter den Glatz. Die yetz gemeltten stuk vnd guetter sein alle gelegenn in Kirchperger phar vnd lehen von den von Kraniperg. Item vier emer pergrecht zw Stuppach vnd newn phenning geltt. Item ain halben hoff zw Kirchperg. Ain hofstat vnd ain gartten, so darzwe gehörtt, vnd mittsambt sechs gartten daselben vnd sein lehen von den von Liechtenstain von Muraw etc. Item vnd mittsambtt ettliche stuk gültt vnd guetter vmb Kirchperg gelegen, die von mein genédigen herren . . den ersamen von Montfürtt ze lehen sein. Also hab ich den genanten meinen aiden vnd tochter vnd allen iren baiden