Nagy Imre: Hazai okmánytár. Codex diplomaticus patrius VIII. (Budapest, 1891.)

jirosperis et in adversis, principaliori debet prosequi munere et favore, ut alii eorum exemplis invitati ad fidelitatis opera forcius accendantur. Hinc est quod cum Dethmar et Dethbor filii Detrici a primevis puericie sue temporibus servientes magistri B(enedicti) prepositi Orodiensis aule nostre vicecancellarii dilecti et fidelis nostri, nobis gratum et acceptum indefesse fidelitatis studuissent impendere obsequium graciosum, una cum domino eorumdem in diversis regni nostri expedicionibus cum armis militaribus et armatis viris fortune casibus viriliter se exponentes, et in aliis articulis, que longum esset enarrare per singula, obsequiorum se devota promtitudine et promta semper devocione, iuxta nostre beneplacita voluntatis exhibere curassent, nolentes parcere rebus nec persone. et specialiter quando conflictum in Yrsuazeg cum Henrico bano et cum aliis baronibus domini regis karissimi patris nostri felicis recordacionis babuissemus, iidem Dethmar et Dethbor supervenientis subiti insultus aciem non formidantes, se exponentes quibusdam militibus ex acie opposita, laudabilem nobis et aliis cernentibus victoriam obtinuerunt et triumplium, idem Dethbor vulnera crudelia in persona sua perpetrando. Quamobrem ob eorumdem exigencias meritorum grata vicissitudine occurrentes, licet pro modico reputemus quod ad presens agimus, respectu serviciorum eorumdem, quedam loca venacionis nostre, ultra indagines prope terminos terre nostre existencia in exitu ad Poloniam, cum omnibus utilitatibus et pertinenciis eorumdem, Bachamezey et Torkueley vocata, non ut donaciones a regia benignitate jíoncessas, sed ut descensum hereditarium predictis Dethmar et Dethbor, et per eos Dethk Simoni Herbordo Mykou Langueus carnalibus fratribus eorumdem, necnon Steplikoni filio Mohol, •Janino filio Nicolai, Eugen et Petro filiis eiusdem .Janini ac omnibus predictorum heredibus heredumve successoribus, contulimus dedimus et donavimus, atque tradidimus iure hereditario perpetuo possidenda; in quarum terrarum corporalem possessionem predictos Dethmar Dethbor ac fratres eorumdem seu cognatos, per Andreám comitem de Sarus fidelem nostrum fecimus introduci. Ut igitur huius nostre donacionis series robur perpetue firmitatis optineat, jjresentes concessimus literas duplicis sigilli nostri munimine roboratas. Dátum per manus ma-